Мордовиянь руководительсь китькстазе, што энергетическяй комплекссь — экономикать фкя инь ключевой и важнай отрасляц. Сонь парста работаманц эзда ащи странать и регионть энергетическяй безопасностец.
«Тячи васенце вастти лихневихть топливно-энергетическяй комплексонь объекттнень антитеррористическяй аралафшиснон мархта сотф кизефксне, тянди эряви шарфтомс башка оцю мяль. Ня кизефкснень минь ванондсаськи антитеррористическяй комиссиять, и оперштабть заседаниянзон пингста. Мекольдень пингть минь лама работаме безопасностень кизефкснень коряс, эняльдян ЖКХ-нь министерствати поладомс тя работать», - мярьгсь Артём Здунов.
Омбоце кизось мельцек уштомань сезонти анокламанкса республикаса нолявихть дополнительнай средстват. Строяф 143 вайгяльбень и петьф 543 вайгяльбень кувалмоса электроснабжениянь сетьть, аноклаф 800 лама трансформаторнай станция. Марса тя мероприятиятненди нолдаф 1 миллиардта лама цалковай.
«Мордовиянь энергосистемать аварийностец савор-савор киренди ( ётай кизоть коряс — 13 процентта), но лафчемкшнемс аф эряви, - китькстазе республикань Оцюнясь. - Тяса ламода минь ащетяма погоднай условиятнень эзда. Декабрьста системась работась лац. Мезень мархта аньцек ашезь сашендов васьфнемс: и эи пизепт мольсть, и вии вармат улендсть. Но тянь лангс апак ватт отраслясь тиезе эсь работанц аф кальдявста. Оцю спасиба теенть профессионализмантень инкса».
Артём Здунов башка отмечазе «Россети Волга - «Мордовэнерго» филиалть, «Мордовская электросеть» обществать, «Т Плюс» ПАО-ть «Мордовский филиалонц» работаснон. «Сяда тов полаткшневихть инвестпрограмматне. Ёткстост ламотнень коряс работатама федеральнай центрать мархта, водендакшнетяма дополнительнай финансирования. Сай кизоня карматама работама концессиятнень коряс. Вииякшнеманкса сембось ули. Тяниень пингть минь вейхкса инвестиционнай программаньке, кармай сядонга лама», - китькстазе республикань руководительсь.
Задачада лама, но сембе синь, кда малаткшнемс тевти грамотнайста и ответственностень марязь, пяшкодевомшкат. Артём Здунов арьсесь энергетикненди шумбраши, благополучия и аварияфтома работа.
Отраслянь представительхнень поздравляндазень Госсобраниять Председателец Владимир Чибиркин и
энергетикань и ЖКХ-нь министрть тевонзон тиендисна Иван Петуров.
Мордовия Республикань Оцюнять пресс-службац