Лятфтасаськ, што тя проектсь ётафтови эряфс Россиянь Президентть Владимир Путинонь поручениянц коряс. Мордовиянь Оцюнясь Артём Здунов сувси Саровскяй и Дивеевскяй обительхнень эреклафтомаснон коряс попечительскяй советти.
Паломническо-туристическяй кластерть проектонц мяльса кирдезь арьсекшневи ётафтомс несколька мероприятия республикать территорияса, тяконь лувксса ули строяф автомобильнай ки.
Мордовиянь Оцюнясь пачфтсь тиф работать колга. Анок Сире ош велесь — Вещерка велесь кинь участкать строяманкса проектно-сметнай документациясь. Кись лезды ламода кирьфтамс Санаксарскяй и Серафимо-Дивеевскяй монастырьхнень ёткса вастть.
Мекольдень кизотнень ётафтф оцю работа регионть туристическяй мялень шарфтоманц касфнеманкса. «Лангозонк шарфнихть мяль туристтне, и тячи миньцонк аф сатнихть ни ширезонк сашенды инжихненди васттне», - азозе Мордовиянь Оцюнясь.
Васедемаса корхтафоль «Санаксарь — Саров» паломническо-туристическяй кластерса и Саранскяйса гостиницатнень строямаснон колга.
Пуромксса примась участия Мордовиянь Правительствать Председателенц заместителец Батыр Эмеев.
Мордовия Республикань Оцюнять пресс-службац