Лятфтасаськ, што ётай пяденьцять ушедсть мишендевома васенце билеттне Саранскяень аэропортста народъётконь рейснень лангс. 28 майста сявомок 23 октябрьти молемс кармай лиендема «Анталия – Саранск – Анталия» маршрутть коряс авиарейссь 10 шити фкя меки мръдай рейс мархта.
Шумбракстомок васедемань участникнень, Артём Здунов китькстазе: Мордовияти тя историческяй события, кизоста кизос авиациясь республикаса арси сяда келикс. «Сюконямок федеральнай центрать кирдеманцты минь тиенттяма условият авиасообщениять ладяф покодеманцты. Стратегическяй целькс ульсь панжемс воздушнай перевозкат туристическяй направлениятнень коряс аф аньцек республикань эряйхненди, но и минь шабраньконди», - китькстазе регионтть руководителец.
Республикаса ули лама кизонь программа воздушнай перевозкатнень касомаснон-вииямаснон коряс, воздушнай транспортонь организациятнень субсидированиясна. Тяни региональнай авиаперевозкатне мольфтевихть Москуву, Санкт-Петербургу, Сочив, Минеральнай Ведтненди и Казани. 5 майста панжеви маршрут Махачкалав. Саранскаень аэропортсь касонды-вииякшни –2023 кизоня пассажиронь перевозкатне кассть колма пяльксс ётай кизоть коряс.
Ульсь китькстаф, што Россиянь Минтрансть, Росавиациять и Росгранстройть мархта марс покодезь удалась ётафтомс эряфс перспективнай инвестиционнай проект – сонь лангозонза ульсь максф 1 млрд цалковай федеральнай бюджетонь и инвесторонь («Новапорт Холдинг») ярмак. Воздушнай пропусконь пунктть эса ремонтть и техническяй пяшкодеманц пингста тифт лац ряц соответствиянь коряс авиационно-техническяй базань зданиятне, конатнень эса ащихть пограничнай контролень подразделениятне, народъётконь воздушнай линиянь терминалсь. Сембе покодематне ульсть этафтфт пяк вишкста – фкя кизоста и ниле ковста.
«Оцю благодарность Россиянь транспортонь Министрти Виталий Геннадьевичь Савельевонди. Февральста сон сашендсь республикав, минь педа-пес ваноськ проектть. И тя кизонь 13 февральста лиссь Россиянь Минтрансть приказоц – Саранскяень народъётконь аэропортса панжемс воздушнай грузопассажирскяй фалу ащи ламаширдень пропусконь пункт государственнай границать пачк. Республикась оцю мялец и сяда тов касфнемс-виияфнемс Саранскяйста народъётконь авиарейснень, арьсетяма авиаперелетнень колга лия перспективнай направлениятнень коряс», – мярьгсь Артём Здунов.
Васедемать шумордамста Мордовиянь Оцюнясь азсь сюконяма валхт Мордовиянь авиациять касоманц-виияманц эса участиянкса, профессионализманкса, тевонь кельгоманкса и казсь наградат.
Мордовия Республикань Оцюнять пресс-службац