«Мекольдень кизотнень минь няевиста пяшкодеськ автопарконьконь тяниень пингонь од машинаса. Президентоньконь Владимир Владимирович Путинонь тяфтама вии ширень кирдеманц вельде тейнек ули кода аф пелезь макссемс сембе услугатнень, конатнень эздонк учендсазь ломаттне», - мярьгсь республикань руководительсь.
25 школьнай автобуссь (ГАЗельхне и ПАЗ-хне) прважавсть республикань 18 райоттненди. Эрь шиня Мордовияса усксеви 4800-да лама школьник, и тя цифрась касонды. Од техникать вельде педа-пес пяшкодевихть школьнай маршруттне, стане жа панжевихть сисем отт.
Курокстоь лезксонь 12 од автомобильсь (ГАЗельхне и УАЗ-хне) поступайхть Саранскяйса курокстонь лезксон станцияв и кота райононь медучреждениятненди. Синь няевиста кемокстасазь здравоохранениянь первичнай звенать материально-техническяй базанц.
«Здравоохранениянь первичнай звенань специалисттне работайхть шинек-венек, важна, штоба афольхть уленде сбойхть. И тяни минь обеспечендасаськ тянь. Арьсян, штоба техникась работаль парста», - мярьгсь Артём Здунов.
Од техникать эзда панжематне максфтольхть медучреждениянь врачненди и школань директорхненди. Медикне и педагокне спасибасть од техникать инкса странань Президентти и республикань руководствати. Церемониять шумордамда меле Артём Здунов ванозень автобуснень и микроавтобуснень.
Азсаськ, што мекольдень вете кизоста республикав поступась пцтай 400 единица техника школатненди, больницятненди и поликлиникатненди.
Мордовия Республикань Оцюнять пресс-службац