Лятфтасаськ, што кархчнень явоштомань комлекссь – тя лядыксонь анокламань коряс высокотехнологичнай объект, кона лезды кирьфтамс ТКО-нь объемть и кондясти калмама вастонь полиготтненди.
Инголькиге явоштомань кабинетса кармайхть кочкафт лядыксонь оцю фракциятне, нятне, кода картононь куймотне, полиэтиленць, клянцексь и эрь кодама оцю кархчне, тя лезды яфоштомс органическяй лядыкснень ТКО-нь марстонь потокть эзда. Лядыкснень явоштомасна металлонь пялькс мархта кармайхть ётафневома автоматическяй режимса. Проектс сувафтф оцю лядыкснень ёмланятса керсемаснон коряс оборудованиясь, синь лувкссост и шуфтоннетне.
Тяшкстасаськ, што объектса кармай аноклавома республикань ТКО-нь 75 %. Сяда товолдонь машфтомати кармай максф ТКО-нь 43 % - ся, мезть ули кода нолдамс тевс омбоцедонь сырьять нолдаманц мархта паршиень тиемс и альтернативнай уштомпялень нолямаса.
Тязк жа арьсеви тиемс региононь промышленнай цементонь тиемс альтернативнай уштомпялень нолдамс. Сай пингонь арьсемаса кармай тиф и ТКОН-нь органическяй фракциянь компостированиянь линиясь и аф маштфт лядыксонь ванфтомс полигон.
Подрядчиконь представительсь тяшкстазе, объектть аноксшиц сатсь 32 %-т. Тяса покоди 25 техникань единица и пцтай 160 ломань. Основной нолямань корпусса мольфтеви кияксонь вельхтямась, штоба маластонь пингть улель кода сияк мольфтемс петемань работат и оборудованиянь монтажсь.
Артём Здунов китькстазе кемокстаф строямань графикть ваноманц эрявиксшинц: «Минь сявоськ эсь лангозонк федеральнай центрать инголе обязательствать, сяс эняльдян ваномс сянь мельге, штоба афолеме лядонда фталу. Объектсь эряви республикати, минь сявоме 1,2 млрд цалковай федеральнай ярмакста лядыксонь анокламатнень коряс комплексонь и альтернативнай уштомпялень линиянь нолямань строяманди. Тя лезды анокламс 180 тёжянь тонна коммунальнай калгода лядыкскс кизоти, а стане жа тиемс 57 тёжяньда лама тонна альтернативнай уштомпяль».
Мордовия Республикань Оцюнять пресс-службац