«Конституциясь няфнесы государствать касондомаса-вииякшнемаса кить, - мярьгсь Артём Здунов. – Конституциять гарантоц минь Президентоньке. Сон примси мерат Российскяй Федерациять суверенитетонц и Кинге эзда аф ащеманц вафнемаснон коряс. Вызофнень, конат тяниень пингть ащихть странаньконь инголе, ули кода сяськомс аньцек государствань вии оцюня мархта. И тя – Владимир Владимирович Путин! Сембода пяк врагоньке пелихть сонь эздонза. Тинь содасасть, што Владимир Владимирович примась решения участвовандамс малаткшни кочкаматнень эса. И минь кирнесаськ сонь ширенц. Мордовиянь эряйхне верондайхть Президентти седи ваксста спасибайхть республиканьконь лангс мялень шарфнеманкса. Сонь поручениянц коряс Мордовияса строяфт ламоц предприятиятне, социальнай сферань объекттне. Эряфс ётафневи республикать виияфнеманкса оцю программа. Ули миньцонк и индивидуальнай программа, кона тиф специальна минь субъектоньконь корява. Социально-экономическяй сембе сатфксоньконь юрса – федеральнай центрать ширень кирдемац. Но минь ули и ответственностеньке любой федеральнай цалковайсь эряви нолдамс тевс эсь пингстонза и азф тевонди, тянкса минь отвечатама.Россиять виец фалу ульсь марнек народть марса кирдемасонза».
Пуромксса максфтольхть государственнай казнет. «Тячи тя залса пуромсть ломаттне, конат лемдезь эряфснон Россияти служамати, - мярьгсь Артём Здунов. – Государственнай оцю казнеса отмечафт специальнай военнай операциянь участникне – минь героеньке, конат кода минь атяньке и алянь атяньке няфнесазь сембе мирти, што тяфтама великай странать, кода Россиясь, аш кода люпштамс аф моральнайста, аф физическяйста».
Республикань руководительсь пшкядсь благодарностень вал мархта и сятненди, кит седикс-ваймокс покодихть тылса – бизнес-сообществати, общественнай и од ломанень организациятнень представительснонды, промышленностень, велень хозяйствань и социальнай сферань работникненди.
«Башка мялезе пшкядемс од ломаттненди, конатненди тячи максови главнай документсь – Российскяй Федерациянь гражланинонь паспортсь. Тинь – минь стратегическяй ресурсоньке, виеньке! Ётай аф лама пинге – и имена тинь карматада отвечама странаньконь инкса. Кеман, што минь марса кирдеманьке, анокшиньке марса ащемс национальнай интереснень инкса лезды Россияти фалу лядондомс великай мировой державакс. А минь фалу карматама улема Президентоньконь мархта!
Торжественнай собраниять пингста максфтольхть паспорт Мордовиянь од эряйхненди – главнай документть синь получазь республикань Оцюнять кядьста.
Стане жа казнет макссть РФ-нь Вооруженнай виень Генштабть Главнай организационно-мобилизационнай управлениянц начальниконц заместителец Сергей Побирохин, Мордовиянь Госсобраниять Председателец Владимир Чибиркин, Мордовия Республикань Правительствать Председателенц тевонзон тиендисна Алексей Ежов.
Россиянь Президентть эзда казнеса отмечафтольхть «Горэлектротрансонь» водительсь Иван Кусеров, «Эволента» АО-нь развитиять коряс директорсь Андрей Сараев, «ЖКХ «Ардатовское» муниципальнай предприятиянь мастерсь Олег Аринин, Зубово-Полянскяй райононь «Анаевское» ООО-нь трактористсь Серафим Шкаликов.
Мордовия Республикань Оцюнять пресс-службац