20 сентябрьста Мордовиянь Оцюнясь Артём Здунов примась участия круглай шрать работаса, кона лемтьфоль тя темати. «Минь васенцеда тянь колга корхтатама. Подросткатнень ёткса кальдяв социальнай явлениятнень профилактикасна — важнай задача, конань лангс шарфтома башка оцю мяль. Счдонга пяк тяни, мзярда ширде од ломаттнень лангс мольфтеви виидонга вии люпштама. Подросткатнень психикасна нинге апак кемокстак — эздост, кода пластилинцта, ули кода тиемс семботь, мезе мяльце».
Мордовиянь Оцюнясь азозень од ломаттнень мархта работамань важнайдонга важнай принципнень.
«Сембода простойсь и эффективнайсь — тя водендамс оттнень марстонь мероприятиятненди. Вов тяни минь лезнетяма СВО-нь участникнень семьяснонды — рамсетяма ярхцамбяльхть, инь эрявикс продукция, пачфнетяма гуманитрнай груст. Подросткатне участвовандайхть тя тевса, синь заняфт, минь синь няйсаськ. Аф кржа од ломанць заняф добровольчестваса», - мярьгсь сон.
Омбоце принципсь — наставничествань институтть кемокснемац. Тяса, кода китькстазе Артём Здунов, тейнек ули коза касомс. Республикань руководительсь азозе, што пяк цебярь наставникокс стирнятненди-цёранятненди ащихть спортивнай тренерхне, конат, кода правила, лац содасазь подопечнайснон и арсихть теест авторитетокс. Сяс важна, штоба подросткатне афолезь кадонда спортивнай секциятнень, нльне кда синь результатсна ичкозет высшай достижениянь спортть эзда.
Од ломаттнень мархта работаса важнай ширесь — тя «Васенцетнень движениясна», сон максси пяк кели возможностть подросткатненди эряфса эсь вастснон муманкса. Шабатне, конат улендихть лия региоттнень эса, примсихть участия эрь-кодама федеральнай проекттнень эса, мрдамок, полафнихть цебярь шири, арсихть сяда активнайкс, путнихть инголест серьёзнай цельхть. «Карматама тюрема од ломаненьконь инкса, штоба синь лядондольхть тяфтама жа активнайкс», - мярьгсь Мордовиянь Оцюнясь.
Семинарса выступандасть аф фкя лацонь направлениятнень коряс эксперттне. Тяконь лувксса мольфтевсь корхтама од ломаттнень ёткса деструктивнай прянь вятемань тяниень пингонь практикатнень, эряфонь палас повф аф совершеннолетняйхнень мархта работать колга. «Отцы России» общественнай движениянь активистсь Арутюн Арутюнян шарфтсь башка мяль иттнень воспитандамаснонды алятнень водендакшнемаснонды — тя кизефкссь тяниень пингонне, эряфсь няфнесы, кодама аф тёждя уленди «явфтомс алятнень дивантть эзда».
Мордовия Республикань Оцюнять пресс-службац