Мордовиянь Оцюнясь отмечазе стане жа, што НКО-тне виияфтозь грантовай системать коряс эсь работаснон. Кода результат – Президентскяй грантонь фондть мархта киртьф проекттнень лувкссна кассь уликсть колмоцекс пялькста, а Культурнай инициативань фондть мархта – 2,5-крда. Гранттнень лувкссна, конат водендавсть Мордовияв Президентскяй грантонь фондть вельде, 2022 кизоня арась 49 миллионда лама цалковай, Культурнай инициативань фондть вельде – 102 миллионда лама цалковай.
Республикань Общественнай палатать работанц колга азондсь сонь председателец Иван Капитонов. Сон спасибась ширень кирдеманкса Мордовиянь Оцюняти и китькстазе: сянь вельде, што республикань руководительсь васетькшни Общественнай палатать мархта фалу, общественнай институттнень активностьсна касонды.
Общественнай палатать председателенц заместителец, «Народный фронт «За Россию» Общероссийскяй общественнай движениять региональнай огтделениянц сопредседателец Олег Каштанов азондсь сянь колга, кода етафневи эряфс «Все для победы» проектсь, кона водендаф СВО-ть ширенц кирдеманкса.
Мордовиянь Оцюнясь китькстазе: «Общественнай палатать сембе инициативанза кандсть польза республикати. Минь ширденк синь получсить ширень кирдема». Артём Здунов кошардозень общественнай организациятнень сяда активнайста вятемс марстонь тефт Идень и од ломанень Российскяй движениять мархта.
Мордовия Республикань Оцюнять пресс-службац