«Российскяй государствать тёжянь кизонь историяц пяшкотьф минь великай воиноньконь сяськомаснон мархта – тянь эса странать оцю национальнай виец. Минь нолцесайнек прянеконь ветераттнень инголе, конат няфтсть пример сембе масторти кода эсь прянь аф ужяльзезь сатнемс трудовой подвикнень Россиять лемс. Пяк ужяль, што мархтонок лядсь кржа фронтовик. Но минь жиланеконь эса шуди сяськиень вер, а валда мяляфтомась Великай Сяськомать колга эряй кажнай семияса. Мон сюконян сембонди, кие тяниень пингть ащи передовойса, мужестванкса и Родинать кельгоманкса. Башка сюконямань валхт боецнень семьяснонды, волонтерхненди, сембонди, кие лезды специальнай военнай операциянь участникненди», - мярьгсь регионтть Оцюняц.
Артём Здунов китькстазе: Сяськомать эса эрявикссь - Вооруженнай силань од обликсь, конац кочкаф Верховнай главнокомандующайть, Россиянь Президентть Владимир Путинон лезксонц вельде. Войскатне козякафневихть передовой вооруженияса, инь од техникань образецса. Ётафтови оцю покодема армиять перевооружениянц коряс. Мордовиясь путнесы эсь путфксонц странать обороноспособностенц кемокстамас – тя шарфни эсь лангозонза пара мяль.
«Мордовияса сяда тов кармай мольхтевома покодемась минь земляконеконди мяляфтома вастонь тиемань, воинскяй мемориалонь благоустройствать, патриотическяй воспитаниять коряс. Оцю перспективат тя тевть эса панчсихть ламоц проекттне, конат нолдафт эряфс Президентоньконь лездоманц вийса. Марстонь шиса, кеме эсь ширеньконь, Президентть и военнослужащайхнень народтть кидеманц вельде – странать инь оцю виец. Сяськомась кармай мельганк!» - мярьгсь Мордовиянь Оцюнясь.
Сембе кочкафненди стяня жа азс вал Мордовия Республикань военнай комиссарсь Игорь Тихомиров. Сон сюконясь республикать руководстванцты воинскяй частень и гарнизононь организациятненди лездоманкса, минь боецонеконь и синь семьяснонды поддержкать инкса. Арьсесь Отечествань аралайхненди шумбраши, аф мяндеви воля и сатфкст тя стака тевть эса.
Торжественнай обстановкаса ётась государственнай наградань вручениясь. Синь ульсть максф СВО-нь ветераттненди, конат честь и достоинства мархта максозь эсь воинскяй шумоснон. Ульсь приметаф покодемасна и сятненге, кие шиста шис няфнесы эсь профессионализманц покодема вастсонза. Благодарностть тяфта жа получандасть сят цератнень тядясна-алясна, конат ётайхть тяниень пингть служба эрь кодама Россиянь уженяса.
«Оцю кирдемась, конанц минь получандакшнесаськ,максси вийхть. Цёратне передовойса содасазь, што синь семьясна аф катфт,теест лездыхть мельгаст ваныхть. И минь лац содасаськ, што путф Верховнай главнокомандующайть мархта цельсь карма сатф!» - мярьгсь каршек валса боевой действиянь ветерансь, специальнай военнай операциянь участниксь Николай Кочегаров.
Илать поладозе концерт.