Республикань руководительсь шарфтсь мяль регионть виияфнеманцты, стабильнай оперативнай обстановкать ванфнеманцты службань сотрудникнень няеви путксснон лангс.
Мордовиянь Оцюнясь лятфтазе, што тядде республикаса ётафтф 4 тёжяньда лама массовай мероприятия, тяконь лувксса международнай и межрегиональнай уровенень. Полициянь сотрудникнень лац ладяф работаснон вельде сембе ётасть происшествияфтома, региононьке кемокстазе аф пелькс субъектонь статусонц, а тянь эзда ащи сонь туристическяй и инвестиционнай мялень шарфтыкс улемац.
«Предпринимательхне мртцихть республикав, кочксесазь Мордовиять бизнесснон вятеманкса — тя пяк важна», - мярьгсь Артём Здунов. Сон стане жа спасибась ведомствань сотрудникненди гуманитарнай груснень пачфнемаса лезксонкса, организационнай преступностть каршес водендаф работанкса, миграционнай и антикоррупционнай законодательствать пяшкотькшнеманка.
МР-ть эзга внутренняй тевонь министрсь Юрий Поляков эсь выступленисонза мярьгсь: «Тя шиня эрь сотрудниксь сядонга крхкаста шарьхкотькшнесы кочкаф профессиянц общественнай оцю значениянц и маряй инксонза гордость». Важнайдонга важнай задачатнень лувксса, конат путфт службать инголе странань руководствать мархта, сон азозень общественнай безопасностть обеспечендаманц, экстремизмать, аф легальнай миграциять и наркотикнень аф законнай оборотснон каршес тюремать, китнень лангса безопасностть касфнеманц и экономическяй преступлениятнень лангс лихнемаснон.
Тя шиня 50-да лама полицейскяйсь получась получасть Благодарностть, Почётнай грамотат, мяштьса каннемань знакт, стане жа максфтольхть специальнай званият. Тяда башка, Мордовиянь Оцюнясь Артём Здунов казсь полицескяйхнень семьяснонды эряма вастонь сертификатт.
Мордовия Республикань Оцюнять пресс-службац