Республикань руководительсь отмечазе регионти компаниять предприятиянзон системообразующай рольснон. «Коллективть лувксонц, заработнай платать уровененц, мишендеви продукциять объёмонзон коряс «РМ Рейлсь» сувси Мордовиянь и Приволжскяй федеральнай округонь передовой предприятиятнень лувксс», - китькстазе Артём Здунов.
Тяниень пингть компаниясь ноляй вагононь 100-да лама сертифицированнай модель — тя сяда лама аф аньцек Россиянь, но и СНГ-нь производительхнень коряс. Тядде арьсекшневи нолдамс подвижной составонь 10600 единица и 55 тёжяньда лама тонна литейнай продукция.
Холдингонь предприятиятнень эса активнайста мольфтевихть од разработкатне, тяконь лувксса импортть полафтоманц коряс.
Мордовиянь Оцюнясь шарфтсь башка мяль кадровай обеспечениять лангс. Кода цебярь кепотьксонь лятфтазе «Рузхиммашса» панчф Содамошинь и маштомошинь фабрикать, кона лезни тонаткшнемс од специальносттнень. Но компаниясь тусь сяда ичкози и арась «Профессионалитет» федеральнай проектонь участникокс. Марса Мордовскяй госуниверситетть мархта аноклаф тонафнемань программа, кона лезды тонадомс профессиятнень аф аньцек теорияса, но и практикаса.
Артём Здунов азозе, што «РМ Рейл» компаниять маластонь кизотненди стратегияц водендаф лидерскяй позициятнень кирдемаснонды, бизнесть виияфнеманцты.
«Надияфтан, што республикась кирдьсы перспективнай сембе инвестпроекттнень ширеснон», - мярьгсь Мордовиянь Оцюнясь.
«РМ Рейл» компаниянь командать поздравляндазе РФ-нь промышленностень и торговлянь министрть заместителец Альберт Каримов, кона сашендсь республикав рабочай поездка мархта.
Торжественнай пуромксса кайгсть поздравленият республикань Госсобраниять Председателенц заместителенц Сергей Вдовинонь «РМ Рейл» компаниять генеральнай директоронц Максим Тевсонь, Мордовия Республикань Профсоюснень федерацияснон председателенц Сергей Борисовонь, Рузаевскяй райононь оцюнять Александр Юткинонь эзда.
Мордовия Республикань Оцюнять пресс-службац