Партиять Высшай советонц председателец Борис Грызлов китькстазе, што кочкамань сембе уроветтнень эса «Единая Россия» партиясь получась инь лама вайгяль. «Главнайсь, мезсь тяни эряви миллиотт ломанти, - странать безопаснай и стабильнай виияфнемац. Социальнай ширень кирдемась, региональнай касондомань-вииякшнемань платтнень пяшкотькшнемасна. Вандыень шити надиямась. СВО-ть целензон сатомасна. Провокациятнень и внешняй агрессиять эзда кеме аралафшись. Партиять лангс надиямать касоманцты лездсь народнай программать эряфс ётафтоманц лангса лама кизонь активнай работась. Минь пяшкотькшнесаськ кочкамада ингольдень надияфнеманьконь аф ваномок стакатнень-сталмотнень и аф простой обстановкать лангс», - мярьгсь сон.
Кочкаматнень результатсна няфтезь внешняй врагть каршес тюремаса и специальнай военнай операциять целензон сатоманкса обществать марса кирдеманц. Кочкаматнень эса инь лама участвовандайда ульсь Россиянь од региоттнень эса.
Лятфтасаськ, Мордовияса 10 сентябрьста ётафтовсть Луховскяй одномандатнай округть эзга Мордовия Республикань Государственнай Собраниянь депутатонь, Энергетическяй округть эзга Саранск ошень округонь депутатонь Советонь депутатонь, а стане кой-кона райононь и поседениянь представительнай оргаттнень депутатснон дополнительнай кочкамасна. Полафтови 31 вакантнай мандатть эзда 27-сь ётась «Единая Россия» партиять эзда кандидаттненди.
Мордовия Республикань Оцюнять пресс-службац