Од ломаньда Россияса пцтай 40 миллион. Президентсь китькстазе важнайшинц сянь, кодамот од ломаттнень мяльсна-арьсемасна, кода синь шарьхкотькшнесазь Отечествать, сонь лама тёжятть кизонь историянц значениянц, питнишитнень и койхнень-обуцятнень. «Минь фкя инь васенце задачаньке – обеспечендамс поколениятнень приемственностьснон. Эста смелщись и эрьгясь, од полафтксненди венемомась, конат улихть од ломаттнень, кармайхть работама Россиять лангс, путнема путкс родной странать кемокснеманцты», - мярьгсь Владимир Путин.
Президентсь кошардозень региононь оцюнятнень максомс сембе ширдень лезкс идень и од ломанень Всероссийскяй движенияти. «Конешна, од ломаттнень мархта работаса эряви аф нолямс тевс формализмать и казенщинать, лац кулхцонкшнемс стирьхнень-цёратнень вешфксснон, - кошардсь Президентсь. – Сявондемс мяльс, што российскяй од ломаттне лама национальностень».
Государствань оцюнясь стане жа китькстазе: Россиять каршес ушетф информационнай войнась шави од поколениять эзга. «Содаф событиятнень сюнеда од ломаттне повсть информационнай атака алу. Минь задачаньке – максомс од ломаттненди кеме неже афкуксонь содамошитнень вельде», - мярьгсь Владимир Путин. Тянкса государствань оцюнясь макссь поручения анокламс и сувафтомс тонафнемань процессти башка академическяй курс, кона лемтьф Российскяй государственность основанзонды.
Стане жа валонзон коряс, тяниень пингть эрявихть просветительскяй проект, военно-патриотическяй и историческяй клупнень эса занятият.
Владимир Путин башка отмечазе, што од ломаттнень ширесна эряви кирнемс марнек странать эзга.
Госсоветть заседанияса азфоль аф кржа инициатива, конатнень ширеснон Президентсь кирдезе. Лятфтасаськ, што тяда инголе Мордовиянь Оцюнясь примась участия семинарть работаса, конань эса аноклавсть Госсоветти предложениятне. Артём Здунов вятезе «Социальные лифты для молодежи» рабочай группать. Тя предложениятне арайхть юркс 2030 кизоть самс аноклави од ломанень Стратегияти.
Мордовия Республикань Оцюнять пресс-службац