Мордовиянь строительнай отраслять покодеманц итогонзон колга доклад мархта корхтась МР-нь строительствать и архитектурать коряс министрсь Алексей Гришакин. Ётай кизонь итокнень коряс республикась 31 млрд цалковаень питнеса пяшкодезень строительно-монтажнай работатнень. «Жильё» нацпроектть видеса эксплуатацияс нолдаф 360 тёжяньда лама квадратнай метрат эряма вастта (кассь 105 %). Ломаттнень эряма вастста ётама аварийнай фондста программать коряс, кона регионца аделаф инголькиге, заняф 32,5 тёжянь квадратнай метрада – од эряма вастс ётась 1800 ломань. Китькстафоль, эряви шарфтомс мяль заняф строениятнень срафтомаснон-калафтомаснон лангс. Мекольце кизотнень кассь лувкссь эряма вастонь максомс шабатненди-уросненди – 27 %.
Лац покоди «Стимул» программась. Сонь видесонза строяф 11 траснспортнай и инженернай инфраструктурань объект – аделаф коллекторть одкстоптомац Саранскяйть юго-западнай ширесонза, строяфт кит нилеце микрорайонца, сетть од кварталса Северо-Восточнай шоссеть лангса. Кизоста республикаса строяф и педа пес петьфт аф фкя оцюдонга-оцю объект – 1450 вастонди школась Саранскяйса, велоспортть коряс региональнай центрась, эй лангса курькснема катоксь Ковылкинаса, идень поликлиникась Рузаевкаса, культурань куттне Темниковскяй райононь Сире ошса и Рузаевскяй райононь «Красное сельцо» Совхозонь посёлкаса, сиретненди и инвалиттненди Краснослободскяй интернат-кудсь и лиятне.
Тяконь мархта тяшкстафоль, што строительствань отраслясь веши кадрат – 900 ломанень маласа. Прябалать арьсеви тиемс комплексна – СПО-нь учреждениятнень мархта покодезь, федеральнай проектаса примсема участият и шарфтомат мяльсна лия региононь од специалисттнень.
Кизонь итокнень ЖКХ-нь сфераса азозень МР-нь энергетикать и жилищно-коммунальнай хозяйтвать коряс министрсь Александр Голянин. Республикаса коммунальнай инфраструктурать канневомац тии 60 %. Тя пачфти сидестонь авариятненди и кошарясамазь ётафнемс курокстонь петемань работат. 2023 кизоня тяниень пингста мольфтеви и ЖКХ-нь объекттнень капитальнай ремонцнонды нолдаф 55 млн цалковай, тядде ня цельхненди максф 50 млн. «Формирование комфортой городской среды» проектть мяльса кирдезь ётай кизоть тиф-петьф 19 кудбирьф и 9 марстонь васта, педа пес петьф 294 МКД.
Ётай кизоть ётафтф кафта мероприятият Мордовия Республикать касоманка-виияманкса социально-экономическяй Программат, нолдамок эряфс Россиянь Президентть мяленц коряс, 113 млн цалковаень лангс строяфт КНС и водоотведениянь сетть Лямбирскяй райононь Берсеневка велеса и одукс петьф №4 коллекторонь самотёчнай канализационнай участкась Саранскяйса. Стане жа ётай кизоть аделафт колма мероприятият «Ару ведь» федеральнай проектть видеса. Тядде арьсеви строямс водоснабжениянь и водонапорнай башнянь сетть Краснослободскяйса. Территориянь касфтомань-вииямань Фондста ярмакнень лангс эряфс нолдафт теплоснабжениянь системань модернизациять коряс кафта проектт 620 млн. цалковаень питнеса. Сюконямок Фондть кирдеманц инкса МР-нь коммунальнай инфраструктрань модернизациянь Программать коряс арьекшневи одкстоптомс 3,5 вайгяльбе канализационнай сеть Саранскяень Республиканскяй и Серовань ульцятнень эса.
Коллегиянь итокнень коряс Артём Здунов китькстазе: «Российскяй Федерациянь Президентть Владимир Владимирович Путинонь ширеньконь кирдеманкса лама ёмла тевонь тиема политикать вельде ломаттнень ламоц энялькссна пяшкотьфт».
Регионтть руководителец тяшкстазе: кеняртьфти эряма васттнень касомань лувкссна, эряви шарфтомс мяль од квартиратненть эряфс нолдамаснон и питнеснон лангс. «Ванода питнень политикать мельге, кирдесть мяльсонт, мзярда макссетяда мода. Строямс – кржа, эряви мимс! Ётада строительнай политикать эряфс нолдамань штабс, покодеда социальнай блокнень мархта федеральнай программатнень коряс. Иттнень-уроснень лангса работазь минь аськолдаме инголи, эряви покодемс сембе категориятнень мархта», - пшкядсь Артём Здунов строительствань и архитектурать коряс министорти.
Мордовиянь Оцюнясь путозень эрявикс задачатнень, конат ащихть республикать строительнай отраслянц инголе. Эряви эрязста работамс эрямань комплекснай застройкать лангса Ботаническяй садть видеса. Тяда башка, эряви шарфтомс мяль «Мордовия Арена» территориянц перьф документальнай оформлениянц стакаширенц лангс, кундамс Саранскяень котоце микрорайронть проектированиянцты и строительстванцты. Марса местнай самоуправлениянь оргаттнень мархта эряви поладомс тевть тевс нолдамаснон территориальнай документтень сатомок 100% сувафтомок Единай государственнай реестрти сембе населённай пунктонь границатнень и республикань территориальнай зонатнень. Оцю вешфкст путфт и ЖКХ-нь энергетикань отраслять инголе. Артём Здунов китькстазе: «Эрявихть вешемс ярмакт и эрязста примамс участия федеральнай программатнень эса, конат лездыхть коммунальнай инфраструктурать одкстомптоманцты. Тейнек эрявихть уцез ярмакт! Лацкас ванода тянь и ярмакнень вешемаснон мельге федеральнай проекттнень видеса».
Мордовиянь Оцюнясь тяшкстазе: эряви сядонга келиста нолямс газификациянь и догазификациянь эрявикс программатне. Кизоть пенцты федеральнай поддержкать лездоманц мархта арьсекшневи шумордамс лядыкснень обработкать коряс межмуниципальнай комплексть строямац, сай пингонди задачась – полиготтне и мусоросортировочнай центратне. Кизоть пенцты социально-экономическяй касомать-вииямать коряс Программать видеса Мордовия Республикаса арсьекшневи ётафтомс мероприятият ЖКХ-нь кота объектса 198 млн цалковаень питнеса, «ФКГС» федеральнай программать коряс – одкстоптомс сисем кудбирьфонь и 11 общественнай васта, стане жа ётафтомс покодемат объектса, конат сяськсть Инсараса и Темникавса цебярь ошень средань тиемать коряс Сембе Россиянь пялькстомаса.
Мордовиянь Оцюнясь стане жа кирдезе ширенц энергетикать и ЖКХ-ть коряс министрть МинЖКХ-ть видеса марстонь советонь тиемаса – тя ламода лезды цебярьгофтомс работать эсь эряма вастонь представительхнень мархта. Тя ушетксть ведомствань руководительти эряви вятемс эсь кядяла. Стане жа эряви шарфтомс мяль жилищно-коммунальнай услугатнень и ресурснень максф пингта вельф шумоть лангс.
«Сай пингсь – аф тёждя, максови лама оцю объектта. Сембонь эрявихть шумордамс, тяка лувксса ламос строяви объекттне. Шарфтома мяль 2025-2027 кизонь арьсекшневи объекттнень лангс – сембось тиема эсь пингстонза», - азозе Артём Здунов.
Коллегиять пингста ётай кизонь работатнень результатснон и тяниень пингонь платтнень колга пачфтсь МР-нь капитальнай строительстань Управлениянь Оцюнясь Алексей Ермишев и «Саранское водопроводно-канализационное хозяйство» МП-нь директорсь Юрий Шохин.
Мероприятиясь шумордавсь строительствань и жилищно-коммунальнай сферань покодихненди казнень максомаса.
Мордовия Республикань Оцюнять пресс-службац