Большеберезниковскяй райононь Чёрная Промза велеста Татьяна Адушкина пшкядсь республикань руководительти эняльдема мархта лездомс Паракино велеть маласта автомобильнай кить участканц петемаса. Сонь кувалмоц – 1,4 вайгяльбе, кись ётай несколька населённай пунктова, коса пцтай 600 эряй, тияк арни школьнай автобуссь, ётнихть муниципальнай автобуснай маршруттне. Большеберезниковскяй райононь оцюнясь Иван Игонов азозе, што ремонтнай работатнень ётафтоманкса аноклаф проектнай документация,кона ётазе госэкспертизать .
Артём Здунов отмечазе, што Паракино велесь – республикань туристическяй центратнень ёткста фкясь, и макссь поручения сувафтомс кить капитальнайста петеманц «Безопасные и качественные автомобильные дороги» нацпроектти. МР-нь Госкомтрансть председателец Валерий Кандрин надияфтсь, што сембе работатне улихть тифт сай кизонь 1 сентябрть самс.
Инсарскяй райононь Шадымо-Рыскино велеста Эльвира Катушкина пеняцясь кальдяв мобильнай связть лангс. Велеряйхне примасть участия всероссийскяй голосованияса, и Шадымо-Рыскинось сувась 20 ёмла населённай пункттнень лувксс, конат 2024 кизоня поладовихть мобильнай голосой связти и мобильнай интернетти.
МР-нь цифровой развитиянь министрть тевонзон тиендисна Роман Курмакаев пачфтезе, што «Устранение цифрового неравенства 2.0» федеральнай программать эряфс ётафтоманц рамкаса велеса ули строяф од антенно-мачтовай сооружения. Работатне мольфтевихть Цифровой развитиянь министерствать мархта соглашениять коряс федеральнай бюджетонь средстватнень лангс. Работанень арьсекшневи шумордамм 2024 кизоть аделавомс, но Артём Здунов максь поручения вишкоптомс работатнень.
Елена Моторкина эняльдсь Атяшево посёлкать центральнай пялькссонза территориять петемаса-мазоптомаса. 2020 кизоня «Комплексное развитие сельских территорий» программать коряс строяфоль идень налхксема площадка, 2023 кизоня – петьфоль Великай Отечественнай войнаса шавф воиттненди памятниксь. Но перьфпяльдень территориясь эряви благоустроендамс.
Сафоль мяльс тиемс тянь сай кизоня «Формирование комфортной городской среды» программать коряс.
Саранскяйста Татьяна Шмелева сашендсь приёмс эняльдема мархта лездомс петемс Сущинскяень ульцянц эзга 18/1, 18/2, 18/3, 20, 20а, 22а и 24 лама квартирань куттненди подъездной кить. Артём Здунов путсь задача петемс кить сай кизоня. «Сембе эняльдемантень Игорь Юрьевич пяшкодьсыне, а меле минь мархтонза марса сатама ширезонтт велосипедса – проверясаськ качествать!» - надияфтсь Артём Здунов Химмашень эряйти.
Граждаттнень примамасост ульсть МР-ть эзга главнай федеральнай инспекторсь Анатолий Гулин и МР-нь Оцюнять и МР-нь Правительствать Администрацияснон Руководителец Булат Хайрутдинов.
Мордовия Республикань Оцюнять пресс-службац