Галина Горохова — фехтованиять коряс колмонь-крдань олимпийскяй чемпионкась и миронь вейхксонь-крдань чемпионкась, Татьяна Сарычева — волейболть коряс кафтонь-крдань миронь олимпийскяй и Европань чемпионкась, Нелли Ферябникова — баскетболть коряс миронь кафтонь-крдань олимпийскяй и Европань ветень-крдань чемпионкась — синь сашендсть Саранскяи «Олимпийские легенды — детям, молодёжи и детскому спорту России» Всероссийскяй благотворительнай программать вельде, конань ётафнесы эряфс Спортсменонь российскяй союзсь марса Россиянь Олимпийскяй комитетть мархта 2014 кизоста сявомок. Тя пингста Россиянь сборнай олимпийскяй командась ульсь Российскяй Федерациянь 60-да лама субъектса. Тяфтама васедемань участникокс арасть 400 населённай пунктонь эряйсь. Саранскяйса васедематне ётафтовсть кафта площадка лангса — М.Е.Евсевьевонь лемса МГПУ-са и 17№ школаса. Од ломаттнень мархта корхтамати полаткшнесть стане жа олимпийскяй чемпиоттне Алексей Мишин и Ольга Каниськина.
Мордовиянь Оцюнясь спасибась олимпиецненди од ломаттненди мялень салай мероприятиянкса — мзярда од спортсметтнень ули возможностьсна корхнемс марнек странаса содаф ломаттнень мархта.
«Од ломаттненди фалу эряви сявондемс кинь-бди эзда пример, - мярьгсь Артём Здунов. - Тяфтома пяк стака эряфса. Эряви венемомс сай пингти, оцю вийхненди. Вов тейне эсь пнгстон удалась — физкультурань преподавателькс ульсь Ольга Николаевна Князевась — фехтованиять коряс олимпийскяй чемпионкась. Сон лама макссь тейнек, тяконь лувксса спортти кельгомать. Кие-бди арась спортсменкс, кие эряфоньберьф латци спортть мархта.. Мялезе азомс оцю спасиба спортсменоньконди сянкса, што тинь лемнесасть пингонтень ломаттненди — сашенттада, отвечсетяда кизефксснон лангс и азонкшнесасть, кода сатоде тяшка оцю сатфкст. Верондада, ня видьмотне максыхть лисьфкат сай пингть».
Васедемась лиссь мялень салай. Дивандафтсь, кода од ломаттне, конат мзярдовок аф явондыхть телефонцнон мархта, путозь синь шири и кашт аф молезь кулхцондсть азондыхнень эса — кода синь састь спортти, мезсь лездсь теест сатомс медальхть, кода ладявсь эряфсна спортивнай карьерада меле, кода синь няйсазь спортть сяда товолдонь виияфнеманц. Главнайсь — верондамс эстееть, мзярдовок аф потнемс фталу, и улемс патриотокс.
Кизефкс максфоль Мордовиянь Оцюнятивок — удалси-аф теенза занцемс пря спортса. «Удалси, но поздна илять, - отвечась республикань руководительсь. - Занцемс пря физическяй культураса эряви сембонди. Тяни тянкса ули сембе эрявиксс».
Мордовия Республикань Оцюнять пресс-службац