Мордовиянь од ломаттнень приветствовандазень республикань Оцюнясь Артём Здунов. Сон спасибась од ломаттненди активнай позициянкса.
«Мон марян инксонт гордость, ялгат, марян гордость Мордовиянь од ломаттнень инкса!» Тяни сембе китне инголент панжадот — работай грантовай ширень кирдема, ули кода пуроптомс группа, панчсевихть од ломанень центрат. Тя сембось тиендеви Президентть ширень кирдеманц вельде. Тейнек эряви пяшкодемс лангозонк тя надиямать!» - мярьгсь Артём Здунов.
Региононь руководительсь казезень Мордовиянь инь асу, активнай од ломаттнень и синь наставникснон, конат тиендихть путкс движениять виияфнеманцты. «Координаты событий» номинацияса од ломанень пространстватнень и вуснень ёткса сяськсь М.Е.Евсевьевонь лемса универсальнай педагогическяй компетенциянь межфакультетскяй технопарксь, «Веду за собой» номинацияса — МР-нь Од ломанень правительствать председателец Виктор Гущин. «Всегда рядом» номинацияса сяськсть «Т2 Мобайл» ООО-ть саранскяй филиалоц и МР-нь Ростелекомсь. «Создаю события» номинацияса сяськсь «Эрьзя Фест» ваймама шинь фестивальсь, «Создаю систему» номинацияса — Саранск ошень оцюнять заместителец Оксана Шуляпова. «Мотивирую опытом» номинацияса лидеркс арасть сят, кие вяти управления од ломанень политикань сфераса.
Специальнай военнай операциянь сембе участникнень и озадонь седихть аф ащекшни од ломаттнень эзда спасибась СВО-нь ветеранць Алексей Владимиров: «Сюкпря сембонди, кие лезнесь и лезни боецоньконди!» Сон макссь казнет «Вектор Добра» и «Отряд Добра» республиканскяй конкурсонь сяськихненди и призёрхненди.
Тядде Мордовиянь од ломаттнень эвондась эсь моросна - «Событие» форумонь участникне кулезь сонь васенцекс. Тя шиня «Огарёв Аренаса» работасть интерактивнай площадкат, ульсть спортивнай пялькстомат и стак тов.
Мордовия Республикань Оцюнять пресс-службац