Республикань Оцюнясь отмечазе, што регионца од уровеньц лихтевсь цебярь инвестиционнай климатть тиеманц коряс работась. «Кафта кизоста странань Президентть ширень кирдеманц вельде минь машфтоськ финансовай оцю сталмотнень, конат ашесть макссе тейнек вииякшнемс. Удалась касфтомс доходнай базаньконь. Тяни минь доходоньке сяда оцюфт госшумоть коряс. Республикаса работайхть аф фкя лацонь механизмат, конат лезнихть сярьгятькшнемс инвесторхнень и виияфнемс бизнеесть», - мярьгсь Артём Здунов.
Мордовиясь сувась странань 12 пилотнай региоттнень лувксс, коса Россиянь Минэкономразвитиять видеса федеральнай экспертнай группать мархта кемокстаф Региональнай инвестиционнай стандартть вете ключевой элементонзон тевс сувафтомасна. Республикаса аноклаф инвестиционнай декларация. Пуроптф регионть Инвестиционнай картац.
Тяддень октябрьста келептьфт «Рузаевка» инголяй социально-экономическяй вииякшнемань территориять границанза. Тяда башка, маластонь пингть республикаса ушеды работама промышленно-производственнай типонь особай экономическяй зона. Республикать стратегическяй партнёроц - «Система» АФК-сь.
Мордовия Республикань Оцюнять пресс-службац