44 кизоса Вячеслав 25 августста тусь доброволецокс участвондама специальнай военнай операциять эса, тоса сон тячемс. Тяда инголе семьянь азорсь трудендакшнесь электросварщикокс райононь промышленнай фкя предприятияса. Авась азозе, што тячи корхнесь мирденц мархта телефононь пачк, тя уленди аф сидеста. «Сон корхтай, што шумбра, и сюкпря Шкабавазти. Вячеслав пара вайме, порядочнай и лиянь ризфонь-пичефксонь шарьхкоди ломань. Заботендай мирде и аля — тячи сон поздравляндамань малаткшни Од кизоть мархта, кучсь панф пусма и ляпе налхкшкя», - азозе сон. Натальянь церац стане жа ётни срочнай служба армияса.
Мордовиянь Оцюнясь китькстазе, што любой кизефксс коре, авати ули кода пшкятькшнемс лезксонкса. «Содасть, минь фалу кирттяма мархтонтт соткс, тяда визде. Паваз теенть Од кизоня и штоба сяськома мархта мрдальхть минь цераньке», - арьсесь Артём Здунов.
Республикань руководительть эзда од кизонь казнет боецть семьянцты макссь Рузаевскяй райононь оцюнясь Александр Юткин.
Мордовия Республикань Оцюнять пресс-службац