«А зори здесь тихие…» войнать колга фильмать коряс постановкась Кинге ашезе када озадонь седихть ащема. Токавсь Артём Здуновоньге седиец. «Тя спектакльть обязательна эряви няфтемс Саранскяень школьникненди», - мярьгсь сон и тердезень стирнятнень-церанятнень республиканскяй театральнай площадкатнень эзда фкяти.
Мялень салай корхнемац республикань Оцюнять ульсь школьнай активста и «220 ВОЛЬТ» медиагруппаста шабатнень мархта. Корхнемась ульсь школьнай музейса. Тяса ладяфт «Героень партат» эздост мянь 14. Синь лемтьфт районца шачфненди-касфненди, ламоцне конатнень еткста аделазь тя школать. Шабатне азондсть эсь героическяй землякснон Александр Иванович Семиковонь колга, а сяльде макссть кизефкст Мордовиянь Оцюняти. Содазь, кепотьксонди, верондай-аф сонь Якшама Атяти: «Конешна, сон эряй минь арьсемасонк, но тиенди афкуксонь чудат. Кепотьксонди, мзярда пяшкотькшневихть шабатнень, конат примсихть участия «Мялень кузня» акцияса, мяльсна – любойти ули кода арамс волшебникокс и пяшкодемс киньге мяленц».
Васедемать шумордамста Артём Здунов арьсесь школьникненди лядондомс тяфтамокс фалу. «Уледа активнайть, тонафнеда великай странаньконь панчфокс панжеманкса. И ванфтость ялгаксшить!»
Мордовия Республикань Оцюнять пресс-службац