Мордовиянь Оцюнясь Артём Здунов арась вятикс «Социальные лифты для молодежи» рабочай группати.
Лятфтасаськ, странасонк тевс сувафтф «О молодежной политике в Российской Федерации» 2020 кизонь 30 декабрть эзда Федеральнай закон. Од ломаттнень мархта работать эса васенце вастса ащи од граждаттнень патриотокс касфтомасна, конат кирнесазь минь традиционнай питнишиньконь ширеснон, анокт сявомс эсь лангозост ответственность и афкуксонь тевса путнемс путкс странать виияфнеманцты. Россиянь Президентсь Владимир Путин китькстазе: «Сембонди, кинь мялец работамс, няфтемс эсь прянц, анок честнайста служамс отечествати и народти, сатнемс сатфкст, Россиясь фалу кармай улема возможностень странакс. Тянь эса минь касондоманьке-вииякшнеманьке, инголи молеманьке».
2018 кизоня странасонк ушедовсь «Россия — страна возможностей» Президентскяй платформась — тя социальнай лифтонь система, кона максси эрь ломанти получамс возможностть касондоманкса-вииякшнеманкса. Тяниень пингть платформась пуропни 26 проект, конкурс и олимпиада.
«Социальные лифты для молодежи» группать заседанияса ванфоль, кода работамс эрь кодама категориянь ломаттнень мархта. «Минь путоме эстейнек задача работамс од ломанень ся группатнень мархта, конатнень лангс тяниень пингть апак шарфтт мяль, - мярьгсь Артём Здунов. - Основной тезисоньке — тя обществать и странать эряфс од ломаттнень водендакшнемасна. Корхтафтоськ, мезе тянкса эряви тиендемс. Васенцесь, минь лувондсаськ эрявиксокс мрдафтомс школатненди трудовой воспитаниять, кода тя ульсь инголи. Тя школаса дежурендамась, урятцемась, общественнай эрявикс тевса участвондамась».
Предложениятне, конат арьсефтольхть семинарса, кармайхть ванондовома Госсоветса 22 декабрьста — сон ули лемтьф тяниень пингонь условияса од ломанень политикать эряфс ётафнеманцты.
Мордовия Республикань Оцюнять пресс-службац
Фотось: URA.RU, Андреев Владимир