Тонафнемать ётафтсы Саранскяень духовнай семинариясь. Программать васенце образовательнай лекцияса ульсть Республика Мордовиять оцюняц Артём Здунов, Республика Мордовиять Главать Администрациянц руководителец и Мордовия Республикать Правительствац Булат Хайрутдинов, Республика Мордовить правань коряс уполномоценнаец Елена Юрченкова.
Республикать оцюняц сюконясь Мордовскяй и Саранскяй митрополитти Зиновиенди и семинариянь преподавательхненди – синь маштсть вишкста тиемс тя эрявикс и важнай программать.
Лятфтасаськ, што тяфтама тонафнема формать коряс предложения сась тя кизоть ушеткста Саранскяень духовнай семинариять Попечительскяй советонц заседанияса Виктор Бирюковсь эзда.
Республика Мордовить оцюняц китькстазе: предприятиянь руководительхнень лама тевдост управленческяй и хозяйственнай деятельностьса, но ули запрос и теологиять тонафнеманцты. Сяс мес ломантть фалу ули потребностец тимс духовнай эряфонц сяда цебярькс. Кажнай предприятиясь, кажнай коллективсь виихть аф аньцек проффессиональнай маштомаса, но и обществать эряфонцти вовлеченностьса. Тя и специальнай военнай операциянь участникненди и синь семьяснонды лезкссь, и лия социальнай инициативатне. «Духовнай составляющайфтома тяса коданга лиси», - мярьгсь Артём Здунов.
Митрополитсь Зиновий китькстазе, што оцю интерес программати няфтсть райононь оцюнятне и образовательнай организациянь руководительхне.
Тонафнемань курсь сувафни эсь эзонза 160 част занятия, стяня же синь кармайхть ётнема дистаннционнай форматса – кулхцендыхненди тя кармай оцю лезксоц. Священнай писаниять, православиять историянц, литургикать, катехизисть колга шарьхкодевиста азондсазь Саранскяень духовнай семинариять тонафтыенза.
Артём Здунов арьсесь тонафтомань программать кулхцендоензенды
цебярь тонафнема.
Мордовия Республикань Оцюнять пресс-службац.