Мордовиянь Оцюнясь отмечазе: «Республикаса улихть сембе возможносттне студенческяй спортть виияфнеманкса, ули цебярь спортивнай инфраструктура инь оцю уровенень турниронь ётафтоманкса. Вчёк ня шитнень Саранскяйса ётафтови Студенческяй хоккейнай лигань Панжемань Кубкась. Н.П.Огарёвонь лемса МГУ-нь аф кунара пуроптф хоккейнай клубсь стане жа примай участия пялькстоматнень эса - «Поволжье» командать лувксса.
Сергей Сейранов спасибась региононь руководительти тя ширети мялень шарфнеманкса. «Студенческяй спортсь — тя социализациянди инь вии механизмась. Спортсметтне сяда тов занцихть пря спортонь кельгома видснон мархта, перьфкаст улихть болельщикт. Од ломаттне, конат мзярдовок ашесть занце пря спортса, стане жа ваныхть лангозост и усковихть тянди. Тя вии механизма воспитательнай работати — сяда цебярь аф арьсеви. Сюкпря теенть ширень кирдеманкса», - мярьгсь сон.
Артём Здунов и Сергей Сейранов састь марстонь мяльс виияфнемс марстонь тевонь вятемать, ётафнемс республикаса аф фкя лацонь мероприятият и турнирхт студенттнень ёткса.
Мордовия Республикань Оцюнять пресс-службац