Тя кизоста ушедомок районсь няфни цебярь касома мзярошка направлениява. Кассть налоговай и афналоговай поступлениятне местнай бюджетти. Инвестициянь касома темпсь васенце кварталста няфтсь 122 % ваномок тяфтама жа ётай кизонь периодтть ваксса. Тяфта жа ульсь китькстаф, што пцтай 16 % районса кассь заработнай пандомань кучка показательсь.
Константин Николаев азондозе республикань руководительти, што учеви няеви касома эряма вастонь сувафтомать коряс. Тетюши велеса мольфтеви жилищнай застройка «Комплексное развитие сельских территорий» программать коряс: ётай кизоть тяса нолдафт тевс колма кудтт, строяви нинге фкя, кафттнень лангс максф вельф заявка РФ Минсельхозу. Тяфта жа Атяшевскяй районсь ётафни эрявс иденди-сиротанди кудонь путомань коряс пилотнай проект. Эряма вастть мархта кармай молема и модань участка.
Мордовиянь Оцюнясь макссь поручения районтть руководителенцты сяда эрязста примсемс участия грантовай кирдема мархта од ломанень проекттнень эса. Тяниень пингть Н.П. Огаревонь лемса МГУ-ть мархта марс мольфтеви покодема музеень и книгань кочкамать-тяштемань Лобаски велень воиттнень-уроженецнень эряфснон колга проектть лангса. Тя историческяй мялямонь цебярь кепотькс и лезды касы поколениянь патриотическяй воспитанияса.
Нинке фкя социальна эрявикс проектсь сотф Атяшеваса муниципальнай театрань тиемать мархта. Тяфтама инициатива мархта пшкядсь «Талина» компаниянь пуромксть руководителец Виктор Бирюков,конац кунара эрязста участвовандай регионтть касомаса-вииямаса, синь ётксост ётафни эряфс оцю инвестиционнай проектт. Регионтть Оцюняц кирдезе тя инициативать, китькстазе: Сяда тов, вандыень шити ванозь эряви тердемс театрав работама госуниверситетонь национальнай культурань Институтонь студенттнень.
«Эряфсь районца должнен улемс мялень салай кода эряйхнень, станя и инжихнень лемс. Потенциалонтте тинь цебярь – тя пара покодема вастт, оцю социально ориентированнай бизнессь, социальнай инфраструктурань пяшкодемась», - китькстазе Артём Здунов.
Мордовия Республикань Оцюнять пресс-службац