Лятфтасаськ, што Мордовияти Херсонскяй областень Каланчакскяй округсь сашендови подшефнай территориякс. Республикась сембоса лезды Каланчакти, лездоманц ёткса инженернай инфраструктурань и социально значимай объектонь востановлениясь. Ётай кизоть ульсь тиф одукс святой источниксь и ся вастть эса кассь адмиралть Федор Ушаковонь, конань пяк почитандасазь херсонскяй модать лангса, лемса часовня. Од тонафнема кизоть ушедомс Каланчакскяй школатненди ульсть максфт учебникт, художественнай литература, спортонди оборудования, инвентарь и лама лиятне. Врачень бригаданеке фалу якайхть подшевнай району эряйхненди вакцинациянь, диспансеризациянь, операциянь ётафнема. Каланчакста идтне аф весть ваймясть «Лесная сказка» саранскяень санаторияса.
«Идень ваймамать коряс сембонь пара мяльсна? « - кизефтезе Артём Здунов делегациянь представительхнень кядьста.
«И идтненди, и синь тядяснонды аляснонды сембось пяк тусь мялезост!» - ульсь максф тяфтама каршек вал.
Каланчакскяй ВГА–нь Оцюнять Заместителец Галина Мирошниченко округть эряензон лемста сюконясь Республикань Оцюняти кирдеманкса. Сон китькстазе: Мордовиясь – инь цебярь шефнень ёткста фкясь. «Тинь виенттнень мархта Каланчакса меки шачсь эряфсь, - мярьгсь сон. - Ломаттне уже тонадсть эсь шефснонды, сюконяйхть лездоманкса, медицинскяй лездоманкса. Каланчаконь эряйхнене тяряфнихть повомс имена мокшэрзянь врачненди»
И сяда тов – карматама молема марс. Кочкаф сяда тов моли социально значимай объекттнень, синь ётксост и культурань объекттне, инженернай инфраструктурань покодемань план ремонттснон коряс. Ламоц артистоньке и творческяй коллективоньке уже якасть Каланчаку постановкань и концертонь мархта. Тя практикась эряви мольфтемс сяда тов. Станя жа Мордовиясь кармай макссема методическяй лездома культурна-досуговай учреждениятненди, библиотекатненди, одукс тиф идень искусствань школатненди и Каланчакскяй райононь музейхненди.
Инжиендамань шитнень Мордовия Республикаса делегацияти кармайхть няфтьфтфт культурань объектне, моркэрзянь народтть коенза-обуцянза, тя пингть ёткста синь обязательна муйхть единомышленникт и афкуксонь ялгат. Кода китькстазе Артём Здунов, Мордовиясь панжада сотрудничествать и марстонь творческяй проектнонь тевс нолдамать каршес.
Республика Мордовиянь Оцюнять пресс-службац