МР-нь промышленностень, наукань и од технологиянь министрсь Игорь Губайдуллин пачфтезе, што кой-кона промышленнай предприятиятне, тяфтамотне кода «Латось», «ЭлектровыпрямительсьЭ, «Ардатовскяй светотехническяй заводсь», «Верстакоффсь», «Оримэкссь» и лиятне, касфнесазь Беларуси продукцияснон пачфнеманц. Экспортть касфнеманкса васенце вастса ащихть светотехническяй, кабельнай и строительнай ширетне. Ладяф нанотехнологиянь центрань инновационнай проекттнень коряс минскяй технопаркть резидентонзон мархта марстонь тевонь вятема. Маластонь пингти арьсеф Мордовиянь промышленнай предприятиятненди Беларусень предприятиятнень самасна.
МР-нь велень хозяйствань и продовольствиянь министрть Антон Илюшкинонь валонзон коряс аграрнай сфераса марстонь тевонь вятемань фкя инь васенце ширетне — видьмотнень импортсна и сёротнень экспортсна.
Тяда башка, арьсекшневи тиемс республикать территорияса белорусскяй производствань велень хозяйствань запасной частень гарантийнай склад.
Артём Здунов шарфтсь мяль: улеза план аф аньцек мартсонь мероприятиятнень коряс, но и тиф и арьсеф мишендематнень коряс.
Виияфтф Н.П.Огарёвонь лемса МГУ-ть мархта сотрудничендамась — микробиологиять, биотехнологиять коряс, а стане жа фотоникать и ветеринариять коряс марстонь образовательнай программатнень коряс.
Китайть мархта сотрудничендамать рамкаса сай кизонди арьсеф кафта бизнес-миссиятнень, фкясь конатнень эздост кармай Пекинца, а стане жа велень хозяйствань выставкатнень ётафтомасна.
Мордовия Республикань Оцюнять пресс-службац