«Талина» компаниянь группась васенце проектонц кудонь жуватанди коське кормань нолдамать коряс нолдазе эряфс 2018 кизоня, ушедомок катонди начка кормаста. Кудонь жуватанди коське кормань нолдамань коряс од производственнай площадкать строямац ушедсь 2022 кизоня декабрьста. Сон занци пцтай 13 тежянь квадратнай метра. Инвестпроектти путфксне - 2 млрд цалковайда лама – сон шарфтф импортозамещениять и россиянь ярхцамбялень производствань касфтомать-виияфтомать лангс.
Заводть нолдаманц етась ВДНХ –са Республика Мордовиять стендса, тя кизонь февральть. Дмитрий Патрушев од производствать нолдамста ульсь тоса сонць.
Васенце анок рациононь партиясь нолдаф 2024 кизоть васенце квартолста. Пяшксе мощностти лисемада меле тяса эрь кизоня кармай нолявома 50 тежянь тонна коське корма. Предприятиясь пяшкотьф ультрасовременнай оборудованияса, автоматизированнай управлениянь системась фалу ванны оборудованиять состояниянц мельге, тя максы гарантия технологическяй и производственнай процессонь стабильностти. Тя технологиясь лезды ванфтомс ярхцамбяльть эса сембе ули эрявикс веществатнень, витамиттнень и аминокислотатнень. Од производстваса тиф 113 покодема васта.
Республикаса пяшкотькшневи кадрань анокламать коряс задачась, од ломанень тевс сувафтомась, синь тонафтомасна. Тя цельть мархта ульсь путф и ушедсь покодема «Тонафнемань центра», конанц базаса ноляви эряфс «Кадры будущего» проектсь. Тяниень пингть эсонза тонафнихть аграрнай техникумонь студенттне – ётнихть производственнай практика,меле лядондыхть тозк работама. Министрти няфтезь коса ётафневихть занятиятне. Дмитрий Патрушев кирдезе тя покодемань направлениять.
Мордовия Республикань Оцюнять пресс-службац