Поздравляндатядязь тинь профессиональнай илантень мархта!
Тя илась сятнень, кие тиендьсы ломаттнень эряфснон сяда паркс — валдокс и лямбокс, а государствать экономиканц — сяда кемокс.
Энергетикнень трудснон эффективностенц эзда видеста ащи промышленностть, социальнай учреждениятнень и велень хозяйствань комплексть апак лотксек работамасна.
Мордовиянь энергетикань отраслясь одкстопневи. Оцю лезкс максси федеральнай центрась. Тянь вельде тячи Саранскяйть северо-восточнай пялькссонза строявихть трубопроводонь од веткат. Тя проектсь максы цебярьгофтомс отоплениять, пси ведень пачфнемать микрорайононь 35 тёжянь эряйти. Сай кизоня сави ётафтомс работа ТЭЦ-2 микрорайонца теплоснабжениянь сетьтнень полафтомаснон коряс, строямс теплосетьт Юбилейнаень нилеце микрорайонца.
Теплосетевой инфраструктурать одкстопнеманцты инвестициятне эрь кизоня касондыхть. Мекольдень кафта кизотнень уштомань сезонти анокламась ётафневи сяда лац.
Республикань электросетевой хозяйствась лац обеспечендакшнесыне ошть и населеннай пункттнень электроэнергияса. Эсь пингстонза етафневи технологическяй перевооружения, сувафневихть тевс цифровой технологиятне.
Спасибан эрти регионть энергетическяй комплексонц кемошинцты путксонкса. Седи ваксста арьсян теенть кеме шумбраши, благополучия и сатфкст профессиональнай тевсонт!
Мордовия Республикань Оцюнясь А.Здунов