Физкультурно-спортивнай работать вятеманц коряс Мордовиясь сувась региоттнень-лидерхнень лувксс

Мордовия Республикась занязе 2 вастть 2016 кизонкса Федерациянь субъекттнень эса физкультурно-спортивнай работать вятеманц коряс Всероссийскяй смотрать-конкурсть итогонзон коряс, конань етафтозе Россиянь Минспортсь.

Конкурсса азф Российскяй Федерациянь сембе субъекттнень рейтингсна кота направленияс коре: физическяй культурась и массовай спортсь, спортивнай резервать анокламац, высшай достижениянь спортсь, адаптивнай и физическяй культурась и спортсь, физическяй культурать и спортть материально-техническяй базасна и финансированиясна.

Эряйхнень лувксснон мяльс сявондезь региоттне явфтольхть колма группава. Мордовиясь занясь призовой васта 1 миллионда кржа эряй ломань мархта группать эса.

Сяськихне и призерхне казьфтольхть Россиянь Спортонь министерствать Коллегиянц итоговай заседаниянц пингста.