Святой праведнай воинть Феодор Ушаковонь часовняц, конань строямаса Мордовиясь лездсь и специалистса, и материалса, мусь васта святой источникть ваксса.
«Тячи знаковай события. Нюрьхкяня пингста благословениять вельде, конанди ули кода самс аньцек вярде, эвондась тяфтама цебярьдонга цебярь часовнясь. Тя вастсь арай пуромома уженякс сембонди тейнек. Савор-савор сембось тяса полафты-тиеви. Тячиста сявомок минь аськолятама мархтонт аньцек марса. Кда Мордовиять и сембе Русть менелень покровителец — праведнай воинць Федор Ушаков — лезни тейнек, эста тя аф оцю, но тяфтама важнай объектть эвондаманц мархта, минь ялгаксшиньконь и сотрудничендаманьконь эвондамаснон мархта, сон арай покровителькс и тя крайти», - мярьгсь Артём Здунов духовнай объектть панжемста. Мероприятияса примасть участия Мордовиять эзда делегациянь члеттне — МР-нь Оцюнять и МР-нь Правительствать Администрацияснон Руководителец Булат Хайрутдинов, сонь заместителец Александр Сайгачёв, «Женщины за жизнь» фондть руководителец Наталья Москвитина, Мордовиянь здравоохранениянь министрсь Олег Маркин, Мордовиянь энергетикань и ЖКХ-нь министрть тевонзон тиендисна Александр Голянин и мордовскяй землячествань представительхне.
Херсонскяй областень оцюнять васенце заместителец Игорь Чагаев китькстазе, што ётай кизось ульсь Херсонскяй областти и Каланчкскяй округти знаковайкс, ушедовсть экономическяй и духовнай полафтксне. «Тинь полафнесасть эряфоньконь цебярь шири! Надиятама, што эряйхне ушедыхть мртцема эсь шачема-касома вастозост», - мярьгсь сон.
Великай флотоводецть лемс часовнясь Каланчакса строяф Москувонь и сембе Русень Святейшай Патриархть Кириллонь и Каланчакскяй округонь благочиннайть Михаил Кулинонь благословенияснон коряс.
Молебенда меле Артём Здунов ванозе святой источникть и маластонза территориять Партизан микрорайонца. Подряднай организациясь озафтсь тяса шуфтонят, одкстоптозе освещениять — лампатне валдоптыхть российскяй триколоркс.
Артём Здунов и Игорь Чагаев стане жа озафтсть несколька касыкс. «Главнайсь, штоба эряйхнень улель мялезост, штоба ломаттне мртцельхть тяза эряма. Сяда тов карматама молема инголи аньцек марса!» - пшкядсь Мордовиянь Оцюнясь тястонь эряйхненди.
Мордовия Республикань Оцюнять пресс-службац