17 майста Саранскяйса ульсь Саранскяй духовнай семинариять Попечительскяй советонц заседанияц, конань вятезе Саранскяй и Мордовскяй митрополитсь Зиновий. Корхтамась мольфтевсь светскяй и духовнай властть, а стане жа бизнес-сообществать Мордовияса духовнай образованиять виияфнеманц коряс марстонь работаснон колга. Заседанияса примась участия Мордовия Республикань Оцюнять нюрьхкяня пингс тевонзон тиендисна Владимир Волков.
Саранскяй и Мордовскяй митрополитсь Зиновий азозе Саранскяй духовнай училищать, кона работась Мордовияса 1997 кизоста сявомок, духовнай семинариякс лемдеманц афкуксон историческяй событиякс.
Виктор Бирюков, Саранскяй духовнай семинариять Попечительскяй советонц сопредседателец, «Талина» агрохолдингть президентоц, отмечазе, што тячи кода аш мзярдовок эрявикс анокламс полафтыхть тяниень пингонь священникненди, конат служайхть Саранскяй и Мордовскяй епархиянь храпнень эса. Васенце туфталсь – церковнослужительхнень ламошкаснон эряфкшушисна, омбоцесь – священникнень содамошиснон и маштомошиснон касфнеманц эрявиксшиц.
Проектсь етафневи эряфс республиканскяй предпринимательскяй сообществать ширень кирнеманц вельде. И тя, кода китькстазе Владимир Волков, бизнесть социальнай ответственностенц коряс цебярь пример. «Обществать духовнай вииякшнеманцты путксонь путнемась – тя лама пингонди инвестицият, конат водендафт традиционнай нравственнай питнешитнень кемокснеманкса. Синь эздост ламода ащи странать сай пингоц, сонь вииякшнемац», - отмечазе региононь вятись.
Заседаниять пингста ванфтольхть кизефксне, конат сотфт Попечительскяй советть тячиень тевонзон-заботанзон мархта, тяконь лувксса примафоль решения кочкамс од члетт республикань бизнес-сообществань представительхнень лувксста.
Мордовия Республикань Оцюнять Пресс-службац