«Кемлянский» спиртовой заводсь — Россияса фкя инь сиресь, сон работай 1828 кизоста сявомок. Сонь козя и мялень салай историяц, кона сотф содаф историческяй личносттнень мархта, тяконь лувксса Иван Грознаень. Тя заводонь азорхнень мархта 19 векста латцесь Александр Пушкин. Тя пингс ванфтовсь 1828 кизоня строяф зданиясь, тяза пара мяльса сашендыхть экскурсияс.
Тячи Кемлянскяй спиртзаводсь сувси «МордовАлкоПром» холдинговай компанияти.
Республикань Оцюнясь спасибась коллективти койхнень-обуцятнень ванфтоманкса, касондомати-вииякшнемати венемоманкса. «Заводть историяц аф явфтови великай Россияньконь историянц эзда, - мярьгсь Артём Здунов. - Тинь ванфнесасть таштть и тиенттяда од — тянь эшкс кяшфт сатфксне. Од направлениясь, кона эвондась тиньцонт, эвондась аф шава вастса, тя предприятиять оцю работац. Республикась — марса мархтонт!»
Кемлянскяй спиртзаводсь Россияса фкя инь васенцекс тонадозе дистилляттнень производстваснон и од направлениять — односолодовай российскяй вискить производстванц.
Предприятиять коллективонц стане жа поздравляндазе Ичалковскяй райононь оцюнясь Валентина Дмитриева. Сон спасибась «МордовАлкоПром» ООО-ть генеральнай директоронцты Евгений Сидоровонди муниципалитетть вешфксонзон лангс мялень шарфнеманкса и ширень кирдеманкса.
Спиртзаводонь работникненди максфтольхть казнет.
«Кармаама старандама сяда товга тиендемс содафокс кельгома Мордовияньконь», - мярьгсь холдингть руководителец Евгений Сидоров.
Мордовия Республикань Оцюнять пресс-службац