"Удалась ладямс кеме соткст Правительствать и субъекттнень ёткса. Ладямс кооперационнай соткснень, конат эрявихть ёмла бизнести и оцю холдинкненди. А стане жа тиемс условият ладямань сотксненди шабра региоттнень федеральнай окрукнень потмоса" - китькстазе премьер-министрсь.
Михаил Мишустин башка лоткась кой-кона региоттнень работаснон лангс. Кепотьксонди, Мордовияса появась фармацевтическяй предприятия, кона ноляй аф аньцек субстанцият, но и лекарстват ломаттненди, конат сярядихть сахарнай диабетса и лия урмаса.
Корхтамась мольфтеви АО "Биохимик" заводть "Промомед" компаниянь группаттнень колга, конат содафт курокстонь и цебярь инновационнай препаратонь и лекарствань тиемаса-нолямаса. Компаниянь портфельти сувсихть 250 лама лекарственнай препаратонь лем, 80% эздост - эряфса пяк и пяк эрявикст. 2023 кизонь мартста АО "Биохимик" базаса Россиянь Президентть Владимир Путинонь участиянц пингста панчфоль заводсь, кона ноляй активнай фармацевтическяй субстанцият. 2027 кизоть самс улихть нолдафт тяфтама эрявикс проекттне: тиф од васта вельф пяшксе шприцонь анокламс; шумордаф онкологическяй препаратонь нолямс од корпуссь; эксплуатацияс нолдави бета-лактамнай препаратонь нолямс од корпуссь.
Заводса ули лекарствань тиемс-нолямс лабораториянь целай комплекс. Тя ламода лезды сувафтомс рынкав эряфти пяк эрявикс препаратт социально-значимай урмань пчкафтомс, а стане жа кирьфтамс тиемань-нолямань питнеть.
Стане жа пуромксса корхтафоль, кода покоди кураторонь институтсь тяниень пингть и мезе веши цебярьгофтомс. Михаил Мишустин шарфтсь мяль эрявиксшить лангс, конань лангс нежетькшнихть кураторхне проекттнень анокламста. Ёткстост инь эрявиксне - тя регионца инвестициянь, покодема вастонь, ломаттнень афкуксонь доходснон касомасна и стак тов.