Национальнай обрядовай моротнень коряс ётафтовсь традиционнай обряд рьвянять кудсонза. Стирть наряжазь национальнай свадебнай костюмса — панарса, пулайса, сюлгамса. Женихть кудса пидесть-панцть свадьбань кши — курник. Рьвянять симомда меле ульсь официальнай пялькссь.
Станислав Пичайкинонь и Анна Платоновать, конат эряйхть и работайхть Саранскяйса, свадьбаснон официальнайста регистрировандазе Москувонь ЗАГС-нь сотрудниксь, оттне получасть рьвяямать колга свидетельства.
Станиславонь и Аннань поздравляндазень Мордовиянь Оцюнясь Артём Здунов, сон казсь теест казнет.
Тя иласа выступандасть Мордовиянь инь цебярь творческяй коллектифне — Сире Теризморгань народнай хорсь, «Мерема» этно-фольк группась, «Торама» ансамбльсь и «Келу» фольклорнай ансамбльсь, коса морси рьвянясь.
Стане жа «Россия» выставкать дирекциянц эзда оттне получасть лятфнембяленди казнет.
Мордовия Республикань Оцюнять пресс-службац