Мордовия Республикань Оцюнясь Владимир Волков примась участия Саранскяй духовнай семинариять попечительскяй советонц заседанияса

Мордовия Республикань Оцюнясь Владимир Волков примась участия Саранскяй духовнай семинариять попечительскяй советонц заседанияса

Мордовиянь Оцюнясь Владимир Волков 14 майста примась участия Саранскяй духовнай семинариять попечительскяй советонц расширеннай заседаниясонза. Заседаниясь етась Саранскяй и Мордовскяй митрополитть, тонафнемань од заведениять ректоронц Зеновиень председательстванц ала.

Лятфтасаськ, семинариясь пуроптфоль Саранскяй духовнай училищать видеса кизода инголе. Тяниень пингть тяса тонафнихть сядода лама ломань Мордовияста и Приволжскяй федеральнай округонь региоттнень эзда.

Республикань Оцюнясь Владимир Волков китькстазе тонафнемань од заведениять оцю значениянц Мордовскяй митрополияса священнослужительхнень аф сатнемаснон пяшкотькшнемаса, синь анокшиснон касфнемаса, а стане жа обществаса духовно-нравственнай питнешитнень кемокснемаса.

Эряви азомс, што Мордовияса тяниень пингть лувондови 400 малава приход, тяка пингть еткстост 80-ть эса аш сембе пингонь священникт. Кода учендови, семинариять работанц вельде тя прябалась кармай решандаф несколька кизоста.

Заседаниять пингста митрополитсь Зиновий азондсь тонафнемань заведениять программанц колга. Семинариять работанц квалма стане жа корхтасть попечительскяй советть сопредседателец, «Талина» компаниянь группать президентоц Виктор Бирюков и попечительскяй советть председателенц заместителец, «Оптикэнерго» компаниянь группать директоронь Советонц председателец Эвир Боксимер.

Заседаниять пингста казьфтольхть попечительхне и кочкафтольхть советонь од члеттне.

Мордовия Республикань Оцюнять пресс-службац