Поздравляндатядязь тинь профессиональнай иланттень мархта –светотехниконь Шить!
Тя илась Мордовияти фалу ульсь башка ащикс. Сон марстопнесыне отраслевой предприятиянь ламоц покоди поколениятнень – аф куксонь валдонь мастерхнень, конат тиеньдсязь перьфпяльть сяда валдокс и цебярькс.
Тинь маштомантте и творческяй подходонтте лездыхть тиендемс инновационнай технологическяй решеният и кепсемс валдоптомать энергоэффективностенц. Сюконямок теентть Мордовиясь лядонды светотехническяй промышленностень прявкс центракс и валдти столицакс.
Эсь лацонь изделиятне, конатнень аш аналогсна аф Россияса аф омба масторса макссихть минь компаниянеконьди цебярь васта светотехникань конкурентнай рынкаса. Профильнай научно-производственнай комплексть вииямац-касомац – республикань промышленности прявкс ширетнень эзда фкясь.
Арьсян теентть и тинь семьянттенди кеме шумбраши, паваз и сембе эряфонь цебярть!
Катк тинь профессиональнай кинтте кармай валдоптф сатфксонь валдса!
Мордовия Республикань Оцюнясь А. Здунов