Мордовия Республикань проектсь лиссь сяськикс Россиянь минстройть III Градостроительнай конкурссонза

Мордовия Республикань проектсь лиссь сяськикс Россиянь минстройть III Градостроительнай конкурссонза

Россиянь Строительствань и жилищно-коммунальнай хозяйствань министерствась азозень III Градостроительнай конкурсть итогонзонзон. Саранскяйста Асу шабанди Республиканскяй лицейть проектоц лувф сяськикс кода образованиянь сфераса инь цебярь проект.

Лятфтасаськ, объектсь, коза сувсихть тонафнемань и спортивнай корпусне, а стане жа школать видеса интернатсь, сувафтфоль тевс кафта кизода инголе. Строямань технологиятнень и зданияса уликсть коряс лицейть ули кода лембемс европейскяй уровенень строяфксокс, кона пяк лац сувась ошть кучкаста застройкати.

Строямась мольфтевсь Мордовиянь Оцюнять Владимир Волковонь личнай контроленц ала республиканскяй бюджетонь средстватнень лангс. Республикань лидерсь аф весть китькснезе, што лицейсь должен арамс инь эрявикс пяльксокс «школась – вузсь – производствась» кадрань анокламань инновационнай структураса. Тя аф типовой общеобразовательнай учреждения тонафнемань од концепция мархта, конань мекольце целец – анокламс кадрат оцю технологиянь сфераса, высококласснай специалистонь команда, конатненди вийс коре кемокснемс «еню» экономикать. Тяниень пингть лицейсь занцесы омбоце вастть Россиянь 25 инь цебярь школатнень еткста.

Конкурсонь сяськихнень торжественнай каземасна етась IV Российскяй инвестиционно-строительнай форумть рамкаса. Дипломть и мяляфтомбяленди статуэткать Россиянь Минстроень оцюнять Михаил Менень кядьста получазе МР-нь Правительствань Председательть заместителец – строительствань и архитектурань министрсь Виктор Цыганов.