«Радиотелевизионный передающий центр Республики Мордовия» РТРС-ть филиалоц 2017 кизонь 10 ноябрьста сявомок ушедозе Россиянь цифровой эфирнай телевидениянь васенце мультиплексть (РТРС-1 пакетть) составса «Россия-1» и «Россия-2» каналхнень эса «Мордовия» ГТРК-нь региональнай программатнень няфнемаснон.
Няемс республиканскяй программатнень цифровой качестваса тяни ули кода Мордовия Республикань 600 тежянь эряйти. Питнефтома эфирнай телевидениянь цифровой сигналсь эвондась Саранскяйса, Ельниковскяй, Инсарскяй, Ичалковскяй, Ковылкинскяй, Кочкуровскяй, Краснослободскяй, Ромадановскяй, Рузаевскяй, Старошайговскяй и лия райоттнень эса. 2018 кизонь васенце кварталть аделавомс региональнай вещаниясь нолдави Мордовия Республикань цифровой эфирнай вещаниянь сембе объекттнень эса.
Васенце мультиплексонь телеканалхнень эфирс региональнай вещаниять сувафтомац – важнай события, конань Мордовиянь телезрительхне учендозь регионца «цифрать» нолдамста.
Примсемс цифравой эфирнай телевидениянь сигналть ули кода питнефтома DVB-T2-нь кирди оборудованиять (телевизорть или цифровой приставкать) и дециметровай антенать вельде.
Региональнай программатнень васенце мультиплексонь федеральнай каналхненди (РТРС-1 пакетс) сувафтомасна сявф мяльс «Развитие телерадиовещания в Российской Федерации на 2009-2018 годы» федеральнай целевой программать эса.