Мордовия Республикась 2017 кизоня получай федеральнай бюджетста 111 миллион 936 тежянь цалковаень лувксса субвенция гражданонь башка категориятнень лекарственнай препаратса, иттнень-инвалиттнень медицинскяй изделияса и лечебнай питаниянь специализированнай ярхцамбяльса обеспечендаманкса.
Тянь коряс распоряжениять кемокстазе Россиянь Правительствать Председателец Д.А.Медведев. Сон тяштьф ведомствать официальнай сайтсонза.
Распоряжениять мархта кемокстаф 2017 кизоня федеральнай бюджетста Федерациянь субъекттнень бюджетс 31,609 миллиард цалковаень лувксса субвенциянь максомась, конат прважавихть гражданонь башка категориятнень лекарственнай препараттнень лангс рецептс коре лекарственнай препаратса, медицинскяй изделияса, а стане жа лечебнай питаниянь специализированнай ярхцамбяльса обеспечендаманкса.
Стане жа регионць получай 18 миллион цалковай 2017 кизоня медицинскяй работникненди фкя пингонь компенсационнай пандоманкса.
«Развитие здравоохранения» госпрограммать рамкаса явфт 3200 миллион цалковаень лувксса межбюджетнай трансферхт ФОМС-ть бюджетста ОМС-нь территориальнай бюджеттненди. Тя максы возможность мумс работа 5 тежятть враченди велень, рабочай поселкань и ошть лаца поселкань медицинскяй учреждениятнень эса.
326-ФЗ№ (51 статьясь) Федеральнай законть мяльс сявозь 2017 кизоня максовихть фкя пингонь компенсационнай пандомат (1 миллион цалковаень лувксса фкя специалистти) 50 кизода од медицинскяй работникненди, конатнень ули высшай образованиясна, конат састь работама вели, или рабочай поселкав, или ошть лаца поселкав 2016 и 2017 кизотнень и кемокстасть договор Федерациянь субъектонь исполнительнай властень уполномоченнай органть мархта.