«Сай пингоньня особай экономическяй зонаса эряфс нолдавихть проекттне, конатнень оцю питнишисна минь странаньконь экономиканц касфтомаса-виияфтомаса. Синь лувкссост – турбомашинатненди высокотехнологическяй деталень нолямась, оптоволокнань, стане жа отечественнай канатнай кинь тиемась», - азозе Юрий Трутнев.
«Особай экономическяй зонатне няфтезь цебярьшиснон, минь кирдьсаськ од площадкань тиемать коряс инициативатнень и действующай ОЭЗ-нь келептемаснон, конат няфтсть цебярь результатт.
Положительнай бюджетнай эффектсь ОЭЗ-нь покодематнень эзда 2023 кизонь колма кварталхнень пингста макссь 57 миллиард цалковаень лама питне. Господдержкань 329 миллиард цалковайхнень эзда 186 миллиард цалковайсь тусь налогонь и аф налогонь пандоматненди», - китькстазе экономическяй развитиянь Министрть полафтыец Дмитрий Вахруков.
ОЭЗ-нь «Системась» Мордовияса кармай келептьф кафта площадкава, Саранскяйса и Лямбирскяй районца. Тяса арьсекшневи нолдамс эряфс аф фкя высокотехнологичекяй проект. Резиденттне анокт тиемс 760 лама покодемавастта.
«Технологическяй сувернитетонь обеспечениять коряс задачась, конань путозе Россиянь Президентсь, ащи васенце вастса. Мордовиясь ётафни миньцонк оцю работа инвесторхненди цебярь условиянь тиеманкса. Эрявикс механизмась – особай экономическяй зонань пуроптомась. Карматама кирдема имортозамещающай проекттнень ширеснон высокотехнологическяй производствань сфератнень эса», - китькстазе Мордовия Республикань Оцюнясь Артём Здунов.
Мордовия Республикань Оцюнять пресс-службац.