Азфоль, што Мордовиянь кой-кона предприятиятне пачфнесазь ни эсь комплектующайснон автогигантти, ладяфт полупроводниковай приборхнень пачфнемасна, а стане жа спецщамонь. Ётай кизоста сявомок Саранскяйса работай «Луидор» диллерскяй КАМАЗ-центра.
Корхтамась мольфтевсь автоконцернай производстваса !ЭМ-КАТ» ООО-ть литейнай продукциянц тевс ноляманц колга. Ширетне корхтасть «Верстакофф» компаниять мархта сотрудничендамать квалма, сон ноляй техникань петеманкса инструменттнень и оборудованиять ванфтоманкса систематнень нолдамаса.
Башка мяль шарфтфоль «КАМАЗть» мархта цилиндрань блокнень ремонтснон от технологиянц ноляманц колга — тя разработкась Н.П.Огарёвонь лемса Механикань и энергетикань институтть разработкац. Азфоль, што технологиясь няфтезе ни оцю эффективностенц.
Тяда башка, корхтафоль Мордовияса «Мир грузовиков» онлайн-налхкомань инвестиционнай проектть эряфс ётафтоманц колга.
Мордовия Республикань Оцюнять пресс-службац