Конференцияса примась участия Мордовиянь Оцюнясь, «Единай Россиять» Генеральнай Советонц членоц, партиять Мордовскяй региональнай отделениянц секретарец Артём Здунов.. Артём Здунов
Конференциясь ётафтовсь ся шиня, мзярда Федерациянь Советсь ладязе Российскяй Федерациянь Президентть кочкаманкса шить: 2024 кизонь 17 мартста. Артём Алексеевич китькстазе, што малаткшни событиясь арай определяющайкс, вдь кочкаматне ётафтовихть странаньконди рубежнай пингста, важнайдонга важнай историческяй событиятнень пингста.
- Сембе процесснень эса партияньке занци оцю васта. Минь марстонь задачаньке тиемс семботь кочкаматнень законностьснон, легитимностьснон обеспечендаманкса, - мярьгсь Мордовиянь Оцюнясь.
«Единай Россиянь» активисттне васенцекс кярьмодсть боецненди, конат тусть Донбассть аралама, гуманитарнай лезксонь кочкамати, ладясть ширень кирдемань мерат специальнай военнай операциянь участникненди и синь семьяснонды.
Республиканскяй уровеньца партиянь депутаттнень инициативаснон коряс пуроптфт СВО-нь участникнень семьяснон ширеснон кирдеманкса дополнительнай мерат.
- Аф карман лятфнемост сембе льготатнень. Азса аньцек, што тиф пяк лама, - мярьгсь Артём Здунов.
Региононь руководительсь кошардсь кирдемс нацизмать эзда русскяй масторть араламанц коряс кизефкснень башка контроль ала.
Волонтёрфтома пяшкодемс специальнай военнай операциять ушедоманц мархта эвондаф задачатнень улель пяк стака. Синь аф аньцек кочксесть гуманитарнай лезкс, но и лезнесть Белгородскяй и Херсонскяй областень эряйхненди. Аф фкя лацонь кизоса ломаттне, конатнень пуроптозень марс патриотизмась, тянивок кирнесазь пошефнай территориять — Херсонскяй областень Каланчакскяй муниципальнай округть ширенц.
- «Единая Россия» партиянь волонтёрхне марса молодогвардеецнень мархта фалу улендихть гуманитарнай лезкс мархта ДНР-са, ЛНР-са, Херсонскяй и Запорожскяй областтнень эса. Тячи волонтёроньке лезнихть школатнень и больницятнень эса, работайхть идень центрава, конат пуроптфт партиять ширень кирдеманц вельде. Мялезе спасибамс озадонь седихть аф ащекшнеманкса и гражданскяй позициянкса. Марян сембонь тинь инксонт тевти тяфта малаткшнеманкса — ломанькс, шарьхкодевиста! Башка спасиба предпринимательхненди, эсь-кодама сфераса заняф ломаттненди пара тевонь тиендеманкса», - мярьгсь Артём Здунов.
Добровольчествась арай Мордовияти нормакс. «Од гвардиять» инициативанц коряс регионца работай «Донбассонь волонтёрхнень школасна». Сяда товолодонь аськолкссь — республикаса гуманитарнай миссиянь волонтёронь анокламань Центрать панжемац.
Артём Здунов эсь докладсонза башка васта макссь партиять Народнай программанц пяшкотькшнеманцты и избирательхнень наказснон пяшкотькшнемаснонды.
Избирательхнень мархта сотксонь кирдемань эсь лацонь формась — общественнай приёмтне. Артём Здунов башка китькстазе, што тя кизоня МР-ть эзга партиянь Председательть общественнай приёмнаезонза сась 130 пшкядема — 80 процентта ламосна решандафт ни.
«Афкуксонь тефнень» колга важна азонкшнемс. Мордовиянь лидерсь азсь мяль сяда эффективнайста нолямс тевс населенияти информациянь пачфнеманкса социальнай сетьтнень, активнайста вятемс личнай аккаунттнень.
- Башка мяль эряви шарфтомс «Крепкая семья» проектти — сай кизоть Россиянь Президентсь азозе Семьянь кизокс. Оцю мяль минь шарфнетяма семейнай династиятненди, - азозе Артём Здунов. - Республиканьконди тя основной кизефкссь.
Стане жа азфоль, «Единая Россия» партиять ширень кирдиензон Региональнай советсна сувась странаса 10 инь цебярьхнень лувксс.
Мекпяли Артём Алексеевич азсь благодарностень валхт государствань лидерти Владимир Владимирович Путинонди. Однопартиецонзонды пшкядеста сон мярьгсь: «Тинь няйсасть, кодама курокста полафни мирсь. Стабильностень фкя и сяка гарантиякс сянди, што странась ётасы тя кить оцю сталмофтома — ащи Российскяй Федерациянь Президентсь, конань ширенц минь фалу кирнеськ и кирнесаськ!»
Конференциять пингста азфтольхть 2024 кизонди «Единая Россия» партиять региональнай отделениянц задачанза. Кочкафтольхть делегатт партиять XXI съездозонза делегатт. Съездсь кармай Москуса 17-18 декабрьста.
Мордовиянь Оцюнясь Артём Здунов и «Отцы России» Всероссийскяй общественнай движениять региональнай отделениянц правлениянц председателец Максим Захаров кемокстасть сотрудничендамать колга соглашения.
Конференцияса «единороссненди» максфтольхть партийнай билетт и казнет.
Тялонь васенце недялять Мордовиянь Оцюнясь Артём Здунов путсь ушеткс «Мялень кузня» эрь кизонь одк кизонь акцияти. Сон пяшкодьсыне колма шабатнень мяльснон и кошардозень коллеганзон поладомс тя волшебнай марафонти.