Артём Здунов ванозе помещениять – учебнай корпусть, ваймосеманди и творчестванди площадкатнень, столовайть и налхксемань комнатать, компьютернай классть. Мордовиянь Оцюнясь казсь шабатненди тренажёр. Спортивнай залса Артём Здунов содафтсь Андрей Никитинонь мархта – аф ваномок инвалидность лангс, сон арась сяськикс шашкатнень коряс Россиянь первенстваса. Артём Здунов азсь мяль тердемс шабатнень шири Россиянь теннисонь федерациять президентонц Шамиль Анвярович Тарпищевонь. «Сатама марса теннисть коряс лия чемпиононьконь мархта и ётафттама тяса оцю турнир», - мярьгсь Артём Здунов. Эряви азомс, што Темниковань идень кудть-интернатть 85 кизонь историянц пингста Мордовиянь руководительсь васенцеда сась тяза, штоба лична содафтомс воспитанникнень мархта.
Васедемась ётась пяк лямбоста. Даяна Паршакова, кинь стихонь книгац тядде нолдафоль Мордовиянь Оцюнять ширень кирдеманц пингста, лувозень стихонзон. «Сюкпря, мес лятфнетяда тейнек тянь колга», - спасибась Артём Здунов стирняти.
Воспитанникне получасть Мордовиянь Оцюнять эзда ламбама казнет и телевизор.
Мордовия Республикань Оцюнять пресс-службац