Шумбракстомок делегациянь участникнень, Республикань Оцюнясь Артём Здунов тяшкстазе, што Мордовиясь - кепотькс нароттнень ёткса ялгаксшити и религиятненди: тяса эряйхть 90 национальностень представитель, тонафнихть студентт 54 странаста, покодихть индийскяй и китайскяй культурань центрат. Регионца лац виияфтф спортивнай инфраструктрурась, промышленностсь, АПК-сь, образованиянь системать оцю уровенць.
"Минь республиканьке православнай и коень питнишинь ванфты. Минь машттама инжиень васьфтема, региононьке сетьме, миньцонк лама достопримечательността. Кенкшеньке фалу панжадот теенть. Сюконян пингонтень инкса, конань максость Мордовияти. Фестивальть лозунгоц: "Васьфтьсаськ сай пингоньконь марса!", монга кирьдса тя мяльть" - китькстазе Артём Здунов.
Конго Демократическяй республикать представителец Налумбу Киландамоко Оси сюконясь РФ-нь Президентти и Мордовиянь Оцюняти Сембе миронь фестивальса участиянкса: "Тяза кочкавсть ламоц странань и культурань представительхть, сембе содасть лама одта. Сюконятама лямбоста примаманкса. Ашень учсе, што тяса васьфтьсамазь лямбоста и кенярдезь, пяк пара мялезонк".
Конгонь фестивалень участниксь заняф нармонень производствать и сонь продукциянц анокламанц мархта, арьсекшни касфтомс-виияфтомс тя направлениять АПК-са. Сась Россияв, штоба крхкалгофтомс содамошинзонь. Артём Здунов надияфтсь, што аноклай васедема республикань велень хозяйствань и продовольствиянь министрть мархта. Максим Танкань лемса Белорусскяй государственнай педагогическяй университетонь тонафнись Владислава Столярова пачфтсь общественнай деятельностень сфераса эффективнай практикатнень колга и тяшкстазе ялгаксшинь соткснень Россиять и Белоруссиять ёткса.
Италиянь Святой Седиень Католическяй университетонь тонафнись Страмецци Пьетро китькстазе, што масторса мольфтеви афкуксонь информационнай война, ладяф казяма цензура. "Кода азозе Россиянь Президентсь Владимир Путин: "Вийсь видешиса". Мон арьсян ся сай пингть колга, коса масторсь кармай ялгандама политикфтома, ся масторть колга, коса азорондайхть питнишинь койхне,- азозе Италияста саф инжись. - Кемада, тянь колга арьси марнек западсь. А видешинь келептемась - афкуксонь журналистонь работась. Сюконян Россиянь Президентти и Мордовиянь Оцюняти, што макссть возможность примамс участия тя оцю историческяй событияса. Тямасть юксне, минь мархтонтт, мирти ладяма!"
Артём Здунов сюконясь од ломанти кеме позициянц инкса - ащемс мирть и видешить араламанкса: "Карматама покодема марса!"
Мордовиянь вуснень работаснон, нароттнень ёткса соткснень и омба масторонь студенттненди программать колга азондсть Н.П. Огаревонь лемса МГУ-нь ректорсь Дмитрий Глушко и М.Е. Евсевьевонь лемса МГПУ-нь ректорсь Марина Антонова.
Фестивалень ламоц странань-участниконь представительхне азсть мяль кирдемс соткст Россиять мархта эрь кодама направлениява, кода вии и высокотехнологичнай странань мархта, тяконь лувксса корхтамась мольфтевсь минь республикасонк образованиянь сявомать колга. Мордовиянь Оцюнясь шарфтсь мяль од ломаттнень сембе азф мяльснон-арьсемаснон лангс.
Мордовия Республикань Оцюнять пресс-службац