Россиянь юстициянь Министрсь тяшкстазе, васенцекссь законть нолдамаса должны улемс ванфт кизефксне ингольдень пякстафненди покодема вастонь максомати – оцю ролец тя тевса региоттнень. Эрявикс задачась – пробациянь институтть лезксонц вельде тиемс эффективнай механизмат, конат пачфтихть преступностть кирьфтаманцты.
Эсь корхтамасонза республикань Оцюнясь Артём Здунов явсь региононь наработкатнень мархта. Мордовиясь эрязста сувафни пробациять законтти и эряфс нолдай пилотнай проект, кона сотф ингольдень пякстафненди покодема вастонь максомать мархта, примаф законць, кона араласыне ингольдень пякстафнень, покоди кафта социальнай обслуживаниять коряс организацият.
«Миньцонк сёрматфт соглашеният аф аньцек юстициянь министерстватнень мархта, наказамань федеральнай службатнень, минь кемоста сувафнесаськ тя тевти общественнай и религиознай организациятнень, бизнесонь представительхнень и НКО-тнень», - китькстазе региононь руководительсь.
Артём Здунов тяшкстазе, ингольдень пякстафненди покодема вастонь максомати пилотнай проектсь – эрявикс резервась регионца предприятиятненди кадрань анокламась. Мордовияса положительнай практикатнень ёткста фкясь - нолдаф пякстафнень реестрасна, и сятнень, кие тяряфты тонафнемс или мумс покодема васта.
«Лац сувафтовсь анокламать и вастова путомать коряс сервиссь 9 ковста нолдамада инголи максомс резюме «Работа России» порталса. Аноклаф и варжаф аудио-ярмаркань ётафтома кейссь – ётафтф 25 мероприятияда, муф покодема васта эрь колмоце нолдафти», -азозе Артём Здунов.
Тяшкстафоль: улихть эрявикс результатт – 2023 кизоня ётай кизоннеть коряс 11 % кирьфтавсь омбоцеда повфнень колонияв лувкссна. Корхтаманц шумордамстонза Артём Здунов азсь мяль ётафтомс Мордовияса «Реализация принципов постпенитенциарной пробации» лем ала межрегиональнай форум. Константин Чуйченко кирдезе мяленц: Мордовиясь – фкя инь цебярь регионць, кона ладяй ётафтомс тяфтама форумть – пробациянь иснтитутть сувафтомань темась республикати пяк актуальнай.
Мордовия Республикань Оцюнять пресс-службац