12 декабрьста коллективть поздравляндазе Мордовиянь Оцюнясь Артём Здунов.
«Кельгсайне музейхнень. Тиньцонт ванфтови шачема-касома масторть и сонь эряензон историясна. Тинь тиендьсасть сембода главнайть – мярьгонттяда тейнек, шабаньконди, ламоц поколениятненди кельгомс родной крайть. Сотцемс героеньконь, земляконьконь колга», - мярьгсь региононь руководительсь и арьсесь музейти панчфокс панжема.
Артём Здунов шарфтсь мяль работать важнайшинцты, кона ётафневи интерактивность и мультимедийностть тевс сувафнемаснон коряс – тя лезды саламс оттнень мяльснон. Сон казсь музейти лятфнембяленди казне. «Ардатовскяй краеведческяй музей» филиалть заведующаец Зинаида Киушкинати максф «Мордовия Республикань культурань Заслуженнай работник» лемсь.
Музейнай работникнень поздравляндазень Саранскяй и Мордовскяй митрополитсь Зиновий. Сон шарфтсь мяль: коллективсь кородозь ванфтозень ламоц святынятнень, артефакттнень, конат лездыхть сай пингонь поколениятненди содамс Россиять ценностнай и духовнай строенц.
Мордовиянь Госсобраниять Председателенц заместителец Наталья Долматова мярьгсь: «Тячи – РФ-нь Конституциять шиц. Музейсь ванфтсыне, тяконь лувксса великай Россиять Конституциянц ветецьке изданиянзон. Тинь вяттяда оцю патриотическяй работа. Тиендьсасть тянь седиентень тердеманц коряс».
Музейсь кирди сотрудничендамань соткст Пензенскяй область мархта. Тянь эзда лиссь «Фестиваль музейных практик» од межрегиональнай проектсь. Пензенскяй областень губернаторть Олег Мельниченконь лемста музеень коллективть поздравляндазе губернаторть советникоц, Россиянь краеветтнень союзснон председателец Владимир Первушкин.
Музеень директорсь Дмитрий Фролов спасибась республикань руководствати и сембе инжихненди учреждениять работанц лангс мялень шарфтоманкса. «Оцю илась, оцю историясь! Марян гордость коллективозень инкса – тя афкуксонь профессионалонь семья!»
Торжественнай церемониять шумордамда меле музеень руководительсь ётафтсь инжихненди экскурсия кафта экспозициятнень эзга: «105 шедевров Мордовского краеведческого музея» и «Иоанно-Богословский храм: к 330-летию старейшего здания региона».
Мордовия Республикань Оцюнять пресс-службац