«Кельгома Владимир Васильевич, седи ваксста поздравляндате Херсонскяй областень губернаторкс кочкамацень и кемокстамацень мархта. Катк сембе вийхне, конат водендафт регионть виияфнеманцты, экономикать и социальнай сферать кеподемаснонды, получайхть эрявикс мялень шарфтома и шарьхкодема», - отмечазе телеграммать эса Артём Здунов.
Сон поладозе, Мордовия Республикась эсь ширденза кармай сембе ширде лезнема Владимир Сальдонди ключевой экономическяй и общественно-политическяй задачатнень решандамаса.
«Российскяй Федерациянь Президентть Владимир Владимирович Путинонь ширень кирдеманц пингста минь марса мархтот мольфттяма созидательнай работа Херсонскяй областьса эряфть ладяманц и стабильностть кемокснеманц коряс. Мордовиясь максси лезкс Каланчакскяй муниципальнай округти, конань оцю промышленнай и велень хозяйствань потенциалоц, туристическяй мялень саламац, природань уникальнай памятниконза. Минь обязательна поладсаськ межрегиональнай интеграциять, деловой соткснень виияфнемаснон, социальнай и инженернай инфраструктурань ключевой объекттнень ремонтснон коряс программать», - отмечазе Артём Здунов.
Мордовиянь Оцюнясь арьсесь Херсонскяй областень губернаторти кеме шумбраши, единомышленниконь цебярь команда, профессиональнай од тефт, а региононь сембе эряйхненди — мир и благополучия.