Тя шиня фкя шра вакс кочкавсть мусульманскяй общинань старейшинатне и активисттне, синь ётксост «Якташлар» Мордовия Республикань татаронь региональнай национально-культурнай автономиянь, традиционнай конфессиянь и общественнай организациянь представительхне, предпринимательхне, творческяй ломаттне и СВО-нь участникнень семьясна. Омбоце кизось постсь Рамадан ковонь и Великай православнай постсь пцтай ушеткшнихть фкя пингоня. Республиканскяй ифтарса ульсь Мордовскяй и Саранскяй митрополитсь Зиновий.
Артём Здунов, шумбракстомста поздравляндазень сембонь Российскяй Федерациянь Президентть Владимир Владимирович Путинонь кочкаманц мархта - республикань мусульманиттне, кода и сембе Мордовиянь эряйхне, сувафтозь эсь путфксснон тя сяськомати.
Сюконяма валхт ульсть азфт мусульманскяй общественности эряз участиянкса республикаса сембе ётафневи мероприятиятнень, синь ётксост и од ломанень, и СВО-нь участникненди и синь семьяснонды лездомаса.
«Монь пяк пара мялезон, што тердемасть монь и сонь покоди ялганень. Тя кизоть Рамадан ковть и православнай постть ушеткссна савсть фкя пингти - минь марс ашетяма страсттнень каршес, ваттама ограниченият, тяряфнетяма тиемс эсь прянеконь и масторть сяда цебярькс. Мон ёралень, штоба нят шитнень минь марстопнелемазь ару мяльхне-арьсематне, лездомань арьсематне - аф оцю достатка мархта ломаттненди, лама идь мархта семьятненди, и сятненди, кит юмафтозь мала ломаньснон, синь ётксост и СВО-са. Тя марстонь тев, конац аф явондови аф национальность, аф вероисповедания коряс. Справедливостьта вяре - аньцек милосердиясь, конац тиендсамазь минь сяда малакс Шкайти», - мярьгсь Мордовиянь Оцюнясь.
Мордовиянь мусульманинонь Духовнай управлениянь председательсь Раиль-хазрат Асаинов сюконясь Мордовиянь Оцюняти ифтарса участиянц инкса, китькстазе, што пяк пара пример лия региоттненди.
«Мордовиянь мусульманиттне фалу кирнесазь республикать руководстванц инициативанзон. Сюкпря сембе имапненди – тят ся ломаттне, конат фалу ащихть нравственность, моральть инкса, республикав экстремистскяй идеятнень сувамаснон каршеса. Катк Мордовияса фалу сетьме и пара шабрань отношеният», - китькстазе сон.
«Озондан Аллахти, штоба сон максоль минь седизнок милосердия, милость и терпимость фкя фкянди, штоба улельхть ётксонк дуганонь соткст. Тянь лангса сави покодемс», - мярьгсь Рафаэль хазрат Манюров - Россиянь ЦДУМ-ть Мордовия Республикать коряс полномочнай представительсь. Сон сюконясь Артём Здунововоньди Кочкуровскяй райононь Татарскяй Умыс велеса культурань кудонь строяманкса, конанц эса эряйхне учсесть 10 кизода ламос.
Шамиль хазрат Сабитов - ЦДУМ РМ-нь муфтийть и. о.-ц азондозе, что республикань мусульманиттне озондыхть Аллахти курок саськомать инкса, благоденствииять и сетьмешить: «Минь кода ламанациональностень и ламаконфессиянь народ обязаннайхтяма ванфтомс эсь духовна-нравственнай питнишинеконь, особенна мзярда минь Родинанеке васьфтьсь врьгятема мархта».
Мордовскяй и Саранскяй Митрополитсь Зиновий мярьгсь: «Сембода эрявиксь модать лангса сетьмешись, сонь лангозонза тяниень пингть вргяткшнихть аф пара вийхть, сяськовихть синь анцек цебярьти. Шкайсь тернесамазь минь святостти, арушити, видешити, кельгомати, сетьмешити. Минь оцю ламанациональность мархта странаньке фалу ванфнезе религиознай сетьмешить и многонациональнай согласиять. И миньге карматама сонь ванфнемонза, штоба максомс потомканеконди цебярь, кеме страна».
Мордовия Республикань Оцюнять пресс-службац