Лятфтасаськ, школань капитальнай ремонтнь федеральнай программась нолдаф эряфс Президентть и «Единая Россия» партиять порученияц коряс. 2022-2026 кизотнень тя проектть эряфс нолдаманцты Россиянь региоттнень эса уже тиф одкстофтома покодемат 4 466 школьнай зданиянди, 2026 кизоть шумордамовозонза путф планц ётафтомс капитальнай ремонт 7 300 школава.
Государствань Оцюнясь китькстазе: тя проектсь – комплекнай покодемань пялькс конац шарфтф тяниень пингонь тонафневань условиятнень и касы поколениять воспитаниянц касоманснон-вииямаснон лангс. 2019 кизоня ульсь ушетф од школань строямань программась, а 2022 кизоня капремонт программать потмоса ушедсь образовательнай учреждениянь зданиятнень одсктопфтомасна. «Кафта кизоста Федерациянь субъекттнень мархта минь сафтоме порядкас 4 тёжяньда лама школань здания. Тя корхтай сянь колга, што 1.8 млн. малава идь тяни тонафни тяниень пингонь, цебярь условияса. Эряви азомс, што особай вниманиясь максф велень образованиять материально-техническяй базанц касоманцты-виияманцты – тя программать аф куксонь приоритетоц, тя факторсь максси фкя лаца возможность велень и ошень од ломаттненди», - мярьгсь Владимир Путин.
Мордовияса кафта кизоста ульсь педа пес ремонтировандаф 32 школань здания почти 16 тежань васттс. Синь эздост 15 – тя велень школат. Нят цельхнень лангс ульсь максф 2,5 млрд. цалковай. Тяка пингть зданиятнень аф аньцек петезь, но и путсть эзост тяниень пингонь оборудования, тисть цебярь и тяниень пингонь школань пространстват. Программась марстоптозень тонафтыхнень, иттнень и синь шачфтыснон. Синь марс участвовандайхть дизайн-проектонь тиемаса, ваныхть покодемань вятемать мельге.
Мордовия Республикась кярьмодсь Президентть Всероссийскяй совещаниянцты Рузаевскяй райононь Трускляень школаста, конац тожа ремонтировандаф капремонт федеральнай программать коряс. 1989 кизоня путф зданиять тяни афи содасак. Ульсть одкстопфт инженернай коммуникациятне, фасадсь, школать пряц, потмонь отделкац. Рамаф од мебель, инь од оборудования, столоваенди техника. Кабинеттнень дизайнснон лангса арьсемати ульсь сувафтф покодемати тядятне-алятне. Школась лиссь мазы, тяниень пингонь, лямбе ваймонь – и иттнень и синь тонафтыснон лемс.
Тя кизоть педа пес ремонтонь программать коряс кармайхть тифт нинге кота школат.
Совещаниять пингста Государствань Оцюнясь мярьгсь варжакстомс сяда крхкаста мзярошка направления лангс. Синь ётксост – сембемасторонь сетти вишке доступонь максомась, «Труд», «Основы безопасности и защиты Родины» предметтненди эрявикс базань кочкамась, конат сай тонафнемань кизоста сявомок кармайхть макссевома од программань коряс .
Инь эрявикс направлениясь – тонафтыфтыень кваллификациянь касфтомась. «Тяка пингть эряви арьсемс мотивация, стимул, штоба тячиень педагогическяй ВУЗонь, университетонь выпускникне сашендольхть покодема школав, няельхть тяса эстеест карьерань, профессоннальнай касомань перспективат. «Эняльдян Правительствати, Федерациянь региоттненди арьсемс сянь колга, кода тердемс школав од тонафтыхть», - мярьгсь Владимир Путин.
Станя жа эряви поладомс покодемать школатнень актовай залснон, библиотекаснон, медицинскяй кабинеттнень одкстомаснон, секциятнень да кружокнень пяшкодемаснон, спортонь инфраструктурать доступнайкс тиеманц-касфтоманц, образовательнай огранизациятненди сетьмешить максоманц коряс.
Мордовия Республикань Оцюнять пресс-службац