«Пяк пара мялезон. Тя седиень токай акция — сон тиендьсамазь минь сяда добрайкс, а шабатнень касфнесы мяльснон. Пара, што шабазе верондась, што Од кизонь карша лисендихть чудат», - мярьгсь Лизать тядяц Александра.
Лятфтасаськ, «Мялень кузнясь» - благотворительнай акция, конань пингста любойти ули кода пяшкодемс сятнень мяльснон, кинди эряви лезкс. Сон ётафневи эряфс 2018 кизоста сявомок Россиять сембе территориясонза. Мялень пяшкодемань сезонць кармай молема 2023 кизонь 28 февральть самс.